ဘုရားသခင်၏ အလိုတော်ကို လုပ်ဆောင်ခြင်းဟူသည်မှာ မည်သည့်အရာကို ဆိုလိုကြောင်း နောက်ဆုံးတွင် ကျွန်မ နားလည်သည်

ဆင်းလျှိုး၊ အမေရိကန်ပြည်ထောင်စု

အယ်ဒီတော့မှတ်စု– လူများစွာက သခင့်အတွက် စွန့်လွှတ်ခြင်း၊ အသုံးခံခြင်း၊ ကြိုးပမ်းခြင်းနှင့် အလုပ်လုပ်ခြင်းမျှဖြင့် ဖခမည်းတော်၏ အလိုတော်ကို ကျွန်တော်တို့ လုပ်ဆောင်နေသည်ဟု ယုံကြည်ကြသည်၊ သို့သော် သခင်ယေရှုက- “သခင်၊ သခင်ဟု ငါ့ကိုလျှောက်သောသူတိုင်း ကောင်းကင်နိုင်ငံတော်သို့ ဝင်ရလိမ့်မည်မဟုတ်။ ကောင်းကင်ဘုံ၌ ရှိတော်မူသော ငါ့ခမည်းတော်၏အလိုကို ဆောင်သောသူသာလျှင် ဝင်ရလိမ့်မည်။ ထိုနေ့၌ကား၊ သခင်၊ သခင်၊ အကျွန်ုပ်တို့သည် ကိုယ်တော်အခွင့်နှင့် ဆုံးမဩဝါဒပေးပါပြီ မဟုတ် လော။ ကိုယ်တော်အခွင့်နှင့် နတ်ဆိုးတို့ကို နှင်ထုတ်ပါပြီ မဟုတ်လော။ ကိုယ်တော်အခွင့်နှင့် များစွာသော တန်ခိုးတို့ကို ပြပါပြီမဟုတ်လောဟု အများသော သူတို့သည် လျှောက်ကြလိမ့်မည်။ ထိုသို့လျှောက်ကြသောအခါ သင်တို့ကို ငါအလျင်းမသိ၊ အဓမ္မအမှုကို ပြုသောသူတို့၊ ငါ့ထံမှ ဖယ်ကြဟု ထိုသူတို့အား အတည့်အလင်း ငါပြောမည်။” (ရှင်မဿဲခရစ်ဝင် ၇:၂၁-၂၃) ဟု ဆိုထားပါသည်။ သခင်ယေရှုက သူ၏ အမည်နာမ၌ လုပ်ဆောင်ဟောပြောသောသူများကို အဓမ္မအမှုကိုပြုသောသူများဟု အဘယ်ကြောင့် ဆိုခဲ့ပါသနည်း။ သခင့်အတွက် စွန့်လွှတ်ခြင်း၊ အသုံးခံခြင်း၊ ကြိုးပမ်းခြင်းနှင့် အလုပ်လုပ်ခြင်းသည် ဖခမည်းတော်၏ အလိုတော်ကို လုပ်ဆောင်နေခြင်း မဟုတ်သလော။ ခမည်းတော်၏ အလိုတော်ကို လုပ်ဆောင်ခြင်းဟူသည် မည်သည့်အရာကို ဆိုလိုခြင်းသက်သက်နည်း။ ညီအစ်မဆင်းလျှိုး၏ အတွေ့အကြုံက ကျွန်တော်တို့ကို အဖြေတစ်ခု ပေးပါသည်။ ပိုမိုလေ့လာရန် ဆက်လက်ဖတ်ရှုပါ…

၂၀၁၂ ခုနှစ်တွင် ကျွန်မအမျိုးသားနှင့် ကျွန်မသည် အမေရိကန် ပြည်ထောင်စုသို့ အလုပ်ရှာရန် လာခဲ့ကြသည်။ ကောင်းသောတိုက်ဆိုင်မှုတစ်ခုအဖြစ် ကျွန်မသည် အသင်းတော်တစ်ခုကို တရားဒေသနာ နားထောင်ရန် သွားခဲ့သည်။ သခင်ယေရှုက ကျွန်မတို့၏ အပြစ်များမှ ရွေးနုတ်ဖို့ရန် ကားစင်တင်ခံခဲ့ရသည်ဟု သင်းအုပ်ဆရာက ဟောသည်ကို ကြားရသည့်အခါ ကျွန်မတုန်လှုပ်ခဲ့ရသည်။ အထူးသဖြင့် သခင့်ကိုချီးမွမ်းသည့် ဓမ္မသီချင်းများကို ကျွန်မကြားသည့်အခါ၊ သခင်ယေရှု၏ ကိုယ်ကျိုးမငဲ့သော ချစ်ခြင်းမေတ္တာက ကျွန်မကို မျက်ရည်များကျသည်အထိ တို့ထိခဲ့သည်။ သခင့်၏ ချစ်ခြင်းမေတ္တာမှာ ကျွန်မဘဝတစ်ခုလုံးကို အလင်းပေးသည့် အမှောင်ညထဲတွင် တောက်ပနေသော မီးအိမ်တစ်ခုပမာ ဖြစ်ခဲ့သည်။ အသင်းတော်၏ လှုပ်ရှားမှုမျိုးစုံတွင် ကျွန်မ စတင်ပါဝင်ခဲ့ပါသည်။ နောက်ပိုင်းတွင် အသင်းတော်၌ တာဝန်များကို စီစဉ်ဆောင်ရွက်ပေးခြင်းအတွက် ကျွန်မအရွေးခံခဲ့ရပြီး ဧဝံဂေလိတရားကို သခင့်အတွက် စိတ်ပါလက်ပါ ကျွန်မ ဟောပြောခဲ့သည်။ သခင့်အတွက် စိတ်အားထက်သန်စွာ ကျွန်မ အသုံးတော်ခံသရွေ့ ကျွန်မသည် သခင့်၏ သစ္စာရှိသော အစေခံဖြစ်သည်၊ ကျွန်မကို သူကျေနပ်နှစ်သက်လိမ့်မည်ဖြစ်ပြီး ကောင်းချီးမင်္ဂလာများကို သူပေးလိမ့်မည်ဟု ကျွန်မယုံကြည်ခဲ့သည်။

မမျှော်လင့်သော အပြောင်းအလဲတစ်ခု ကျွန်မအပေါ် ကျရောက်သည့်အချိန်တွင် ရှုပ်ထွေးမှုထဲ ကျွန်မပိတ်မိသည်

ကျွန်မတို့သည် သခင်၏ကောင်းချီးပေးခြင်းခံခဲ့ရပြီး ကျွန်မတို့၏ စီးပွားရေးမှာ တိုးတက်ခဲ့သည်။ ၂၀၁၃ ခုနှစ်တွင် လုပ်ပိုင်ခွင့်ရကုမ္ပဏီတစ်ခုကို ကျွန်မတို့ဖွင့်လှစ်ခဲ့ပြီး လုပ်ငန်းက ကောင်းမွန်နေခဲ့သည်။ သို့သော် ကောင်းသောကာလများမှာ မရှည်ကြာခဲ့ပါ၊ ၂၀၁၅ ခုနှစ်တွင် လုပ်ပိုင်ခွင့်ရလုပ်ငန်းလုပ်ကိုင်သူ စည်းမျဉ်းများကို ကျွန်မတို့ ချိုးဖောက်သည်ဟူသည့် အကြောင်းပြချက်ကို အသုံးပြုပြီး လုပ်ငန်းစနစ်တည်ထောင်သူ လုပ်ငန်းရှင်က ကျွန်မတို့၏ တစ်နှစ်တာ အပိုဆုကြေးအားလုံးကို ဒဏ်တပ်ခဲ့သည်။ တုန့်ပြန်သည့်အနေဖြင့် ကျွန်မတို့၏တရားစွဲဆိုမှု ရှုံးနိမ့်သည့်အခါ၊ ကျွန်မတို့၏ကုမ္ပဏီမှာ ဒေဝါလီခံရလုလုအခြေအနေတွင် ရှိနေခဲ့ပြီး အမှုကိစ္စက ကျွန်မတို့ကို အလွန်အမင်း အကြွေးတင် ကျန်ရစ်စေခဲ့သည်။ သခင့်၏ကျေးဇူးတော်ကို ကျွန်မတို့ ဆုံးရှုံးလိုက်ရချိန်တွင် ကျွန်မမှာ ဦးတည်ချက်ပျောက်ဆုံးသည့် သိုးသငယ်တစ်ကောင်လို ဖြစ်ခဲ့ရသည်။ မည်သည့်လမ်းသို့ သွားရမည်ကို ကျွန်မမသိတော့ဘဲ စိတ်မချမ်းမမြေ့နှင့် အကူအညီမဲ့ခဲ့ရပါသည်။ ညည့်နက်ချိန် အခြားသူအားလုံး အိပ်မောကျသောအခါ- “ငါ သခင့်အတွက် အမြဲတမ်း စိတ်အားထက်သန်စွာ အသုံးတော်ခံပြီး အသင်းတော်ကို အစေခံခဲ့တယ်၊ ဒါဆို ဘာလို့ သခင်က ငါ့ကို ဂရုစိုက်ပြီး မကာကွယ်ပေးခဲ့တာလဲ။ ဒါမှမဟုတ် သခင့်အလိုတော်နဲ့ မညီတာတစ်ခုခု ငါလုပ်ခဲ့မိလို့များ ငါ့အပေါ် ဒီလိုဖြစ်ပျက်ခဲ့တာလား။” ဟု မကြာခဏ တွေးတောခဲ့သည်။ ကျွန်မ အလွန် စိတ်ရှုပ်ထွေးပြီး- “သခင်၊ ဘာဖြစ်လို့ ကျွန်မအပေါ် ဒီလိုဖြစ်ရတာလဲဆိုတာ ကျွန်မ မသိတော့ဘူး၊ ဒါကြောင့် ကျွန်မ အရမ်းစိတ်ဆင်းရဲနေပါတယ်။ သခင်၊ ကိုယ်တော်ရဲ့ မျက်မှောက်တော်ကို ကျွန်မမခံစားရတော့ဘူး။ ကိုယ်တော် ကျွန်မကို တကယ်ပဲ စွန့်ပစ်ထားပြီလား။ သခင်ဘယ်မှာလဲ။ ကျေးဇူးပြုပြီး ကျွန်မကို ကိုယ်တော်ရဲ့လမ်းပြမှု ပေးတော်မူပါ။” ဟု ကိုယ်တော့်ထံ ဆုတောင်းကာ မကြာခဏ ငိုကြွေးမိခဲ့ပါသည်။ သို့သော် ကျွန်မဆုတောင်းပြီးနောက်တွင် ကျွန်မ၏ စိတ်နှလုံး လေးမြဲလေးနေခဲ့သည်။ မသိလိုက်ပါဘဲနှင့် သခင့်၌ ကျွန်မ၏ယုံကြည်ခြင်းမှာ များစွာယုတ်လျော့သွားခဲ့သည်။ အသင်းတော်၏ ဝတ်ပြုအစည်းအဝေးများကို သွားသည်မှာ ပို၍နည်းသထက်နည်းလာပြီး အိမ်တွင်သာ ကျမ်းစာဖတ်ခြင်းနှင့် ဆုတောင်းခြင်းတို့ကို ဆက်လုပ်ခဲ့ရသည်။

မည်သည့်လူမျိုးများက ကောင်းကင်နိုင်ငံတော်ထဲ ဝင်ရောက်နိုင်သည်နှင့် ပတ်သက်၍ မရှင်းမလင်းဖြစ်ခြင်း

တစ်နေ့တွင် ကျွန်မသည် ကျမ်းစာဖတ်နေစဉ် သခင်ယေရှု၏ နှုတ်ကပတ်တော်များကို အမှတ်မထင်တွေ့ခဲ့သည်၊ “သခင်၊ သခင်ဟု ငါ့ကိုလျှောက်သောသူတိုင်း ကောင်းကင်နိုင်ငံတော်သို့ ဝင်ရလိမ့်မည်မဟုတ်။ ကောင်းကင်ဘုံ၌ ရှိတော်မူသော ငါ့ခမည်းတော်၏အလိုကို ဆောင်သောသူသာလျှင် ဝင်ရလိမ့်မည်။ ထိုနေ့၌ကား၊ သခင်၊ သခင်၊ အကျွန်ုပ်တို့သည် ကိုယ်တော်အခွင့်နှင့် ဆုံးမဩဝါဒပေးပါပြီ မဟုတ် လော။ ကိုယ်တော်အခွင့်နှင့် နတ်ဆိုးတို့ကို နှင်ထုတ်ပါပြီ မဟုတ်လော။ ကိုယ်တော်အခွင့်နှင့် များစွာသော တန်ခိုးတို့ကို ပြပါပြီမဟုတ်လောဟု အများသော သူတို့သည် လျှောက်ကြလိမ့်မည်။ ထိုသို့လျှောက်ကြသောအခါ သင်တို့ကို ငါအလျင်းမသိ၊ အဓမ္မအမှုကို ပြုသောသူတို့၊ ငါ့ထံမှ ဖယ်ကြဟု ထိုသူတို့အား အတည့်အလင်း ငါပြောမည်။” (ရှင်မဿဲခရစ်ဝင် ၇:၂၁-၂၃) သခင်ယေရှု၏ နှုတ်ကပတ်တော်များသည်- “သခင်ယေရှုက ကိုယ်တော့်အတွက် စွန့်လွှတ်တဲ့သူ၊ အသုံးခံတဲ့သူ၊ ကြိုးပမ်းတဲ့သူနဲ့ အလုပ်လုပ်တဲ့သူ၊ သခင့်ကို အလွန်တကကြွစွာ အစေခံတဲ့သူတွေကို အဓမ္မအမှုပြုသူတွေလို့ ဘာလို့ ပြောခဲ့တာလဲ။ သခင်ယေရှုရဲ့ စကားတွေထဲမှာ နက်နဲမှုတစ်ခုခုများ ရှိသလား” ဟု ကျွန်မကို ဆင်ခြင်သုံးသပ်စေခဲ့သည်။ သင်းအုပ်ဆရာများနှင့် အကြီးအကဲများကို ဤသမ္မာကျမ်းချက်များ၏ အဓိပ္ပါယ်ကို ကျွန်မမေးခဲ့သော်လည်း တစ်ညီတစ်ညာတည်း သူတို့၏အဖြေမှာ၊ “သခင့်ရဲ့ နှုတ်ကပတ်တော်တွေကို ခင်ဗျားသံသယမဖြစ်ရဘူး။ ဧဝံဂေလိတရားကို ကျွန်တော်တို့ဟောကြားပြီး ပိုမိုလုပ်ဆောင်နေသရွေ့၊ အချိန်တန်တဲ့အခါ သခင့်ရဲ့သဘောကျလက်ခံမှုကို ကျွန်တော်တို့ရရှိပြီး ကောင်းကင်နိုင်ငံထဲကို ဝင်ကြမှာပါ” ဟူ၍ ဖြစ်သည်။ သင်းအုပ်ဆရာများနှင့် အကြီးအကဲများ ဤသို့ပြောသည်ကို ကြားရသည့်နောက် ဤကျမ်းချက်များထဲက သခင်ယေရှု၏ ဆိုလိုချက်ကို လုံးလုံးလျားလျား နားမလည်သော်လည်း သခင့်အတွက် အသုံးခံဖို့ စိတ်ဓါတ်လှုံ့ဆော်မှုကို ကျွန်မတစ်ဖန်ရရှိခဲ့ပြီး၊ ထို့ကြောင့် အသင်းတော်၏ လှုပ်ရှားမှုများစွာတွင် တစ်ဖန်စတင်ပါဝင်ခဲ့သည်။

တစ်ကြိမ်တွင် လူအထောင်အသောင်းတက်ရောက်သည့် ဧဝံဂေလိ အစည်းအဝေးတစ်ခုတွင် “စွန့်ခွာခဲ့ခြင်း” ဟု ခေါ်သည့် ဓမ္မသီချင်းတစ်ပုဒ်ကို ကျွန်မ ကြားခဲ့ရသည်။ ဓမ္မသီချင်းက ကျွန်မကို လွန်စွာ တို့ထိခဲ့သည်။ ကျွန်မ မည်သည့်အရာကိုမျှ အမှန်တကယ် ဘယ်တော့မှ မစွန့်လွှတ်ခဲ့သည်ကို ကျွန်မ နားလည်သဘောပေါက်သွားသည်။ ကျွန်မ၏ ကိုယ်ပိုင်စီးပွားရေးလုပ်ငန်းနှင့် မိသားစုအတွက် ကျွန်မ၏ အားအင်ရှိသမျှကို ကျွန်မအသုံးပြုနေဆဲဖြစ်သည်။ သခင့်အတွက် တကယ်ကို အလွန်နည်းပါးစွာ ကျွန်မလုပ်ဆောင်ခဲ့သည်။ ကျွန်မသည် သခင့်ကို အလွန်များစွာ အကြွေးတင်မိခဲ့သည်တကား။ ကျွန်မတွေးမိသည်နှင့် မျက်ရည်များက မျက်နှာမှာ စီးကျလာသည်ကို ကျွန်မမတားနိုင်ခဲ့ပါ။ ကျွန်မက- “ငါ ဒီလိုဆက်သွားလို့ မဖြစ်ဘူး။ သခင့်ရဲ့ကတိတော်တွေအပေါ် ငါယုံကြည်မှုရှိဖို့ လိုတယ်။ ဧဝံဂေလိတရားကို စိတ်အားထက်သန်စွာ ငါဖြန့်ဝေသရွေ့၊ သခင်က သူ့ရဲ့ ကတိတော်တွေကို တည်စေမယ်လို့ ငါယုံကြည်တယ်” ဟု တွေးရင်း မိမိကိုယ်ကိုယ် တိတ်တဆိတ် အားပေးခဲ့သည်။ ကျွန်မသည် သခင့်နောက်လိုက်ဖို့ ကျွန်မအတွင်းမှ စိတ်အားထက်သန်မှုကို ပြန်နိုးဆွခဲ့သည်၊ သို့သော် ကျွန်မ၏ မရှင်းလင်းမှုမှာ မပြေလည်သေးဘဲ ရှိနေဆဲဖြစ်သောကြောင့် ရှာဖွေရန် သခင့်ထံ ကျွန်မ ဆုလည်းတောင်းခဲ့ပါသည်။

အံ့သြဖွယ်ရာ ကြုံဆုံမှုက ကျွန်မနှလုံးသားထဲက ပြင်းပြသောခံစားမှုကို နိုးဆွပေးသည်

တစ်နေ့တွင် ကျွန်မသည် မြေအောက်မီးရထား စောင့်နေစဉ်၊ ရထားများက ရုတ်တရက် ရပ်တန့်သွားခဲ့သည်။ ကျွန်မ အလွန်စိတ်ပူပန်သွားခဲ့ပြီး ကျွန်မဘေးက အမျိုးသမီးအား ဘာဖြစ်နေသည်ကို မေးလိုက်သည်။ ကျွန်မတို့ စကားစမြည်ပြောစဉ်တွင် သူမလည်း ခရစ်ယာန်တစ်ဦးဖြစ်သည်ကို ကျွန်မသိရှိခဲ့သည်၊ ထို့ကြောင့် ကျွန်မတို့ သခင့်ထံ အတူတကွ ဆုတောင်းခဲ့ကြပြီး မကြာခင်မှာ မီးရထားများက ပြန်လည်အသုံးပြု၍ရသွားသည်။ ကျွန်မတို့ ရထားပေါ်တက်ပြီး စကားစတင်ပြောကြသောအခါ ကျွန်မတို့မှာ တစ်ဦးနှင့်တစ်ဦး နှစ်များစွာ သိကျွမ်းခဲ့ပြီးသားလို ဖြစ်ခဲ့ကြလေသည်။ ကျွန်မတို့ အလွန် စကားကောင်းခဲ့ကြသည်။ ကျွန်မတို့သည် ဖုန်းနံပါတ်များ ဖလှယ်ခဲ့ကြပြီး ကျွန်မနှင့်အတူ ကျမ်းစာလေ့လာရန် ထိုညီအစ်မအသစ်ကို ကျွန်မ ဖိတ်ခေါ်ခဲ့သည်။

တစ်ကြိမ်တွင် ကျွန်မ၏ညီအစ်မက သူမ၏အသင်းတော်တွင် ကျမ်းစာလေ့လာမှုစည်းဝေးပွဲတစ်ခုဆီ ကျွန်မကို ဖိတ်ခေါ်ခဲ့ပြီး ကျွန်မလည်း ပျော်ရွှင်စွာ သဘောတူခဲ့ပါသည်။ ထိုနေရာတွင် သူတို့၏မိတ်သဟာယ အလွန်အကျိုးရှိသည့် ညီအစ်မလီနှင့် ညီအစ်ကိုကျန်းတို့ကို ကျွန်မဆုံတွေ့ခဲ့ရသည်။ သူတို့က ကျွန်မကို အရင်က စိတ်ရှုပ်ထွေးစေခဲ့သည့် သမ္မာကျမ်းချက်များအပေါ် များစွာပိုမိုရှင်းလင်းပြီး ပိုမိုထက်မြက်သော နားလည်ခြင်းတစ်ခု ပေးခဲ့ကြသည်။ ထို့နောက်တွင် ညီအစ်ကိုကျန်းက “ဘုရားသခင် မိမိဘုန်းတော်ကို အရှေ့အရပ်သို့ ယူဆောင်” ဟု ခေါ်သည့် အကနှင့် သီချင်းဗီဒီယိုတစ်ခုကို ကျွန်မအား ဖွင့်ပြခဲ့သည်။ ဗီဒီယိုထဲမှ ပုံရိပ်များက ကျွန်မကို တုန်လှုပ်အံ့သြသွားစေခဲ့သည်။ အကသမားများ၏ စွမ်းရည်ကို ကျွန်မ ထပ်ခါတလဲလဲ အံ့သြစွာပြောနေမိသည်။ ညီအစ်ကိုကျန်းက အကသမားအားလုံးမှာ ဘုရားသခင်ကိုယုံကြည်သည့် ညီအစ်ကို မောင်နှမများဖြစ်ကြောင်း ကျွန်မကို ပြောခဲ့သည်။ ကျွန်မ အလွန်အံ့အားသင့်သွားခဲ့ပြီး သူတို့၏အကမှာ သန့်ရှင်းသောဝိညာဉ်တော်၏ လမ်းပြမှုမှလာခြင်း ဖြစ်ရမည်ဟု တွေးမိခဲ့သည်။ သို့သော် ဘုရားသခင်သည် အရှေ့အရပ်တွင် ကြွလာနှင့်ပြီးဖြစ်သည်ဟု ဗွီဒီယိုက ဖော်ပြသည်ကို ကျွန်မ တွေ့ရသည့်အခါ- “သူတို့က ‘အရှေ့အရပ်မှလျှပ်ပြက်ခြင်း’ အသင်းသားတွေ မဟုတ်လား။ အရင်တုန်းက သင်းအုပ်ဆရာတွေနဲ့ အကြီးအကဲတွေက အရှေ့ရပ်မှလျှပ်ပြက်ခြင်း သာသနာပြုတွေနဲ့ အဆက်အသွယ်မလုပ်ဖို့၊ မဟုတ်ရင် သိုးစုထဲကနေ ငါတို့တွေ အခိုးခံရမယ်လို့ သတိပေးတာကိုပဲ ငါ ကြားခဲ့ရတယ်။ ငါဒီနေ့ သူတို့နဲ့ တကယ်ပဲ ဆုံမိနေပြီလား” ဟု တွေးမိခဲ့သည်။ သို့သော်လည်း ကျွန်မက- “သူတို့ရဲ့ မိတ်သဟာယမှာ သိမြင်နားလည်မှုတွေ အများကြီးရှိတယ်၊ ပြီးတော့ သူတို့နဲ့ငါ အပြန်အလှန်ဆက်ဆံမှုတွေကနေတဆင့် သူတို့က သင်းအုပ်ဆရာတွေနဲ့ အကြီးအကဲတွေ ပြောတာနဲ့ လုံးဝမတူတဲ့ ဘုရားကို ယုံကြည်သူစစ်စစ်တွေဖြစ်တယ်ဆိုတာ ငါခံစားရတယ်။ ငါဒီမှာ ရှိနေသရွေ့၊ သူတို့ပြောတာကို ငါနားထောင်ရင်လည်း နားထောင်မယ်လေ။ တကယ်လို့ သူတို့ရဲ့ယုံကြည်မှုမှာ မှားတဲ့လမ်းချိုးထဲ သူတို့ အမှန်တကယ် ဝင်လျှောက်မိခဲ့ရင် သူတို့ကို မှန်တဲ့လမ်းကြောင်းဆီ ငါ ပြန်လည်သွေးဆောင်နိုင်မှာပဲ” ဟု တွေးမိခဲ့သည်။ ထို့ကြောင့် ဆက်နားထောင်ဖို့ ကျွန်မ ဆုံးဖြတ်ခဲ့ပါသည်။

ထို့နောက်တွင် ကျွန်မကို စိတ်ရှုပ်ထွေးနေစေခဲ့သည့် မေးခွန်းကို သူတို့ဆီ ကျွန်မပြောပြခဲ့သည်- “ကျမ်းစာထဲမှာ သခင်ယေရှုက ‘သခင်၊ သခင်ဟု ငါ့ကိုလျှောက်သောသူတိုင်း ကောင်းကင်နိုင်ငံတော်သို့ ဝင်ရလိမ့်မည်မဟုတ်။ ကောင်းကင်ဘုံ၌ ရှိတော်မူသော ငါ့ခမည်းတော်၏အလိုကို ဆောင်သောသူသာလျှင် ဝင်ရလိမ့်မည်။ ထိုနေ့၌ကား၊ သခင်၊ သခင်၊ အကျွန်ုပ်တို့သည် ကိုယ်တော်အခွင့်နှင့် ဆုံးမဩဝါဒပေးပါပြီ မဟုတ် လော။ ကိုယ်တော်အခွင့်နှင့် နတ်ဆိုးတို့ကို နှင်ထုတ်ပါပြီ မဟုတ်လော။ ကိုယ်တော်အခွင့်နှင့် များစွာသော တန်ခိုးတို့ကို ပြပါပြီမဟုတ်လောဟု အများသော သူတို့သည် လျှောက်ကြလိမ့်မည်။ ထိုသို့လျှောက်ကြသောအခါ သင်တို့ကို ငါအလျင်းမသိ၊ အဓမ္မအမှုကို ပြုသောသူတို့၊ ငါ့ထံမှ ဖယ်ကြဟု ထိုသူတို့အား အတည့်အလင်း ငါပြောမည်။’ (ရှင်မဿဲခရစ်ဝင် ၇:၂၁-၂၃) လို့ ပြောတယ်။ သခင့်အတွက် အသုံးတော်ခံပြီး အလုပ်လုပ်ခဲ့ကြတဲ့ ဒီလူတွေထဲမှာ အချို့က သူတို့မိသားစုတွေကို စွန့်လွှတ်ခဲ့ကြတယ်၊ အခြားသူတွေက သူတို့ရဲ့ ပျိုရွယ်တဲ့ကာလတစ်ခုလုံးကို အစေခံရာမှာ ဆက်ကပ်ခဲ့ကြတယ်၊ ပြီးတော့ အချို့က သူတို့ဘဝတစ်ခုလုံး သခင့်ကို အစေခံဖို့ အိမ်ထောင်ရေးကိုတောင် စွန့်လွှတ်ခဲ့ကြတယ်။ အကျိုးသင့် အကြောင်းသင့်ပြောရရင်၊ သူတို့က သခင့်ရဲ့ သဘောကျလက်ခံမှုကို ရရှိထားသင့်တယ်လေ၊ ဒီတော့ ဘာလို့ သခင်ယေရှုက သူတို့ဟာ အဓမ္မအမှုပြုသူတွေလို့ ပြောရတာလဲ။ ခမည်းတော်ရဲ့အလိုတော်ကို ဆောင်တဲ့သူတွေက ဘယ်လိုလူမျိုးတွေလဲ။”

ညီအစ်ကိုကျန်းက ပြုံးလိုက်ပြီး- မိတ်သဟာယပြုခဲ့သည်မှာ- “အရင်တုန်းက ကျွန်တော်တို့ စွန့်လွှတ်သရွေ့၊ အသုံးခံသရွေ့၊ ကြိုးပမ်းပြီး အလုပ်လုပ်သရွေ့၊ ကျွန်တော်တို့ဟာ ခမည်းတော်ရဲ့အလိုတော်ကို ဆောင်တဲ့လူတွေဖြစ်ကြတယ်၊ ဘုရားသခင်ရဲ့ သဘောကျလက်ခံမှုကို ကျွန်တော်တို့ ရကြမယ်၊ ပြီးတော့ ကောင်းကင်နိုင်ငံတော်ထဲကို ဝင်နိုင်ကြမယ်လို့ ကျွန်တော်တို့အားလုံး ယုံကြည်ခဲ့ကြတယ်။ ဒါပေမယ့် အပြင်ပန်း စွန့်လွှတ်တာ၊ အသုံးတော်ခံတာ၊ ကြိုးစားအားထုတ်တာနဲ့ အလုပ်လုပ်တာတွေက ဘုရားသခင်ရဲ့အလိုတော်ကို လုပ်ဆောင်နေတယ်လို့ တကယ်ပဲ ဆိုလိုသလား။ ဒါက ကျွန်တော်တို့ ဂရုတစိုက် ဆင်ခြင်ရမယ့် မေးခွန်းပဲ။ ဖာရိရှဲတွေကို ပြန်စဉ်းစားကြည့်လိုက်ပါ။ လူတွေအတွက် မကြာခဏ ကျမ်းစာတွေ အနက်ပြန်ပေးကြတယ်၊ ယုံကြည်သူတွေအတွက် ဆုတောင်းပေးကြတယ်၊ ပြီးတော့ အလုပ်လုပ်ဖို့နဲ့ တရားဟောဖို့ နေရာတကာကို ခရီးသွားကြတယ်၊ ဒါပေမယ့် သခင်ယေရှုက အမှုပြုဖို့ ကြွလာခဲ့တဲ့အချိန်မှာ ဘာကြောင်မို့ သူတို့က သခင့်ရဲ့ သဘောကျလက်ခံမှုကို မရခဲ့ကြရုံသာမက၊ တကယ်တမ်း သခင်ကျိန်ဆဲတာကို ခံခဲ့ကြရတာလဲ။ ဖာရိရှဲတွေဟာ ဘုရားသခင်ကို အစေခံကြတဲ့လူတွေပဲလေ၊ ဒါဆို သခင် အမှုပြုဖို့ ကြွလာတဲ့အခါ၊ သူတို့က သခင့်ရဲ့ ကယ်တင်ခြင်းကို ရှာဖွေပြီး လက်ခံခဲ့သင့်ပေမယ့် သူတို့က လုံးဝဆန့်ကျင်ဘက်ကို လုပ်ဆောင်ခဲ့ကြတယ်။ သူတို့ရဲ့ ကိုယ်ပိုင်အဆင့်အတန်းနဲ့ ရာထူးကို ကာကွယ်ဖို့ သူတို့ဟာ သခင်ယေရှုရဲ့ အမှုတော်နဲ့ နှုတ်ကပတ်တော်တွေကို လက်ခံဖို့ ငြင်းပယ်ခဲ့ရုံသာမက၊ ဂျူးယုံကြည်သူတွေကိုလည်း သခင့်ကို သွေးရူးသွေးတန်း အာခံပြီး ရှုတ်ချလာအောင်လည်း သူတို့လှည့်ဖြားပြီး လှုံ့ဆော်ခဲ့ကြတယ်၊ သခင့်ကို အမှုဆင်ဖို့ မမှန်တဲ့သက်သေခံခဲ့ကြတယ်၊ ပြီးတော့ သခင်ယေရှု ကားစင်တင်ခံရစေဖို့ ရောမအစိုးရနဲ့တောင် ပူးပေါင်းကြံစည်ခဲ့ကြတယ်။ ဖာရိရှဲတွေ လုပ်ခဲ့တဲ့အရာအားလုံးက သူတို့ကို ဘုရားသခင်ရဲ့ ရန်သူတွေဖြစ်စေခဲ့တယ်။ ဒီလိုနဲ့ သူတို့က ဘုရားသခင်ရဲ့ စိတ်နေသဘောထားကို စော်ကားပြစ်မှားခဲ့ကြတဲ့အတွက် ဘုရားသခင်က သူတို့ကို ကျိန်ဆဲပြီး အပြစ်ဒဏ်ပေးခဲ့တယ်။ ဒီအရာက အပြင်ပန်း စွန့်လွှတ်တာ၊ အသုံးတော်ခံတာ၊ ကြိုးစားအားထုတ်တာနဲ့ အလုပ်လုပ်တာတွေက ကျွန်တော်တို့ဟာ ဘုရားသခင်ရဲ့ အလိုတော်ကို လုပ်ဆောင်နေတယ်လို့ မဆိုလိုဘူးဆိုတာ ကျွန်တော်တို့ကို ပြသနေတယ်။ သခင့်ကို ယုံကြည်သူတွေအနေနဲ့ ကျွန်တော်တို့ကိုလည်း ကြည့်လေ။ သခင့်နာမနဲ့ ကျွန်တော်တို့က စွန့်လွှတ်ပြီး အသုံးတော်ခံနိုင်ကြပေမယ့် ကျွန်တော်တို့ရဲ့ ရည်ရွယ်ချက်က သူ့ကို ချစ်ဖို့နဲ့ နာခံဖို့ မဟုတ်ဘဲ၊ အဲဒီအစား သခင့်ဆီကနေ ကျေးဇူးတော်နဲ့ ကောင်းချီးမင်္ဂလာတွေကို ထုတ်ယူဖို့နဲ့ ကောင်းကင်နိုင်ငံတော်ထဲကို ဝင်ဖို့ပဲဖြစ်တယ်။ ဒီနည်းနဲ့ ကျွန်တော်တို့ အဖိုးအခပေးပြီး အသုံးတော်ခံတဲ့အခါ၊ ကျွန်တော်တို့ လုပ်တဲ့အရာရဲ့ အနှစ်သာရက သခင်နဲ့ အပေးအယူလုပ်ဖို့ပဲ။ ကျွန်တော်တို့ဟာ ဘုရားသခင်ကို လှည့်ဖြားပြီး အသုံးချနေကြတာပဲ။ ကျွန်တော်တို့ရဲ့ လုပ်ငန်းတွေမှာ နာမကျန်းဖြစ်တာ ဒါမှမဟုတ် အဟန့်အတားတွေ ကျွန်တော်တို့ကြုံရတဲ့အခါ ဘုရားသခင်ရဲ့ အလိုတော်ကို ရှာတာထက် ကျွန်တော်တို့ကို ဝေဒနာခံစားစေတဲ့ နာမကျန်းဖြစ်ခြင်း ဒါမှမဟုတ် အတားအဆီးတွေကို ဖယ်ရှားပေးဖို့ သခင့်ကို ဆုတောင်းပြီး တောင်းလျှောက်တာမှတပါး ကျွန်တော်တို့ ဘာမှမလုပ်ကြဘူး၊ ပြီးတော့ ဘုရားသခင်က ကျွန်တော်တို့ရဲ့ တောင်းဆိုချက်တွေကို မဖြည့်ဆည်းပေးတဲ့အခါ ကျွန်တော်တို့ ဘုရားသခင်ကို ဆန့်ကျင်ညည်းညူပြီး နားလည်မှုလွဲကြတယ်၊ ဘုရားသခင်ဆီကနေ ကိုယ့်ကိုယ်ကိုယ် ကင်းကွာစေကြပြီးတော့ ဆိုးရွားတဲ့ကိစ္စတွေမှာဆို ဘုရားသခင်ကို ငြင်းပယ်ပြီး သစ္စာဖောက်ကြတယ်။ သခင့်ရဲ့ ကြွလာခြင်းကို ကျွန်တော်တို့ သဘောထားတဲ့ပုံနဲ့ ပတ်သက်ပြီး လူအများစုက သခင့်ရဲ့ နှုတ်ကပတ်တော်ကို နားလည်ခြင်း ဒါမှမဟုတ် သူ့အလိုတော်ကို ရှာဖွေခြင်းအပေါ် သူတို့ရဲ့ အားထုတ်ကြိုးပမ်းမှုကို ဗဟိုမပြုကြဘဲ၊ အဲဒီအစား သင်းအုပ်ဆရာတွေနဲ့ အကြီးအကဲတွေကို ကျိုးကြောင်းမမြင်ဘဲ နားထောင်ကြတယ်။ သခင်ပြန်ကြွလာပြီလို့ လူတွေ သက်သေခံတဲ့အချိန်မှာတောင် သူတို့က မရှာဖွေသလို မလေ့လာမဆန်းစစ်ကြဘူး၊ တချို့က သင်းအုပ်ဆရာတွေနောက်ကို လိုက်ပြီးတော့ နောက်ဆုံးသောကာလထဲက ဘုရားသခင်ရဲ့အမှုကို အာခံပြီး ရှုတ်ချတဲ့အထိ လုပ်ကြတယ်။ ဒါဟာ နောက်ဆုံးသောကာလ ဘုရားသခင်ရဲ့ အမှုတော်နဲ့ နှုတ်ကပတ်တော်တွေက အခွင့်အာဏာနဲ့ တန်ခိုးရှိတယ်ဆိုတာ မြင်ကြပေမယ့် ရှာဖွေဖို့ ဒါမှမဟုတ် လေ့လာဆန်းစစ်ဖို့ ငြင်းတဲ့သူတွေ၊ ပြီးတော့ “သိုးတွေကို ကာကွယ်ခြင်းနဲ့ မှန်ကန်တဲ့လမ်းခရီးကို စောင့်ရှောက်ခြင်း” ဆိုတဲ့ အမည်ခံပေမယ့် တကယ်တော့ သူတို့ရဲ့ အဆင့်အတန်းနဲ့ ရာထူးတွေကို ကာကွယ်ဖို့၊ နောက်ဆုံးသောကာလ ဘရားသခင်ရဲ့အမှုကို ငြင်းပယ်ဖို့၊ ရှုတ်ချဖို့နဲ့ အာခံဖို့ ကြိုးပမ်းကြသလို၊ ယုံကြည်သူတွေကို နောက်ဆုံးသောကာလ ဘုရားသခင်ရဲ့အမှုကို လေ့လာဆန်းစစ်ခြင်းကနေ တားဆီးပြီး သူတို့ရဲ့ ထိန်းချုပ်မှုအောက်မှာ လူတွေကို အခိုင်အမာထိန်းသိမ်းကြတဲ့ ဘာသာရေးလောကရဲ့ သင်းအုပ်ဆရာတွေနဲ့ အကြီးအကဲတွေကြားမှာ အထူးသဖြင့် ပြင်းထန်ပါတယ်။ ဒါက သူတို့ကို ဘုရားသခင်ကိုအာခံတဲ့ အန္တိခရစ်တွေ မဖြစ်စေဘူးလား။ ဒီအရာတွေကနေ လူတွေဟာ သခင့်အတွက် စွန့်လွတ်၊ အသုံးတော်ခံ၊ ကြိုးပမ်းပြီး အလုပ်လုပ်နိုင်ရင်တောင်မှ သူတို့က လူတွေနောက်လိုက်ပြီး ကိုးကွယ်ဆည်းကပ်ရင်း၊ ဘုရားသခင်ကိုတောင် ရှုတ်ချရင်း၊ အာခံရင်းနဲ့ ဘုရားသခင်ရဲ့ ရန်သူတွေအဖြစ် ပြုမူရင်း သူတို့ဟာ ဘုရားသခင်ကို လှည့်ဖြားပြီး အသုံးချနိုင်ကြသေးတယ်ဆိုတာ ကျွန်တော်တို့ မြင်နိုင်တယ်။ ဒီလိုလူတွေဟာ အဓမ္မအမှုပြုသူတွေလို့ သခင်ယေရှုခေါ်တဲ့သူတွေ အတိအကျပဲ မဟုတ်လား။ ဒါကြောင့် ဒီလိုမျိုး စွန့်လွှတ်တာနဲ့ အသုံးတော်ခံတာက သခင့်ရဲ့ သဘောကျလက်ခံမှုကို မရရုံသာမက သခင့်ရဲ့ ဝေဖန်ရှုတ်ချမှုကို ဖိတ်ခေါ်လိုက်တာပါပဲ။

“သခင်ယေရှုက- ‘သင်၏ဘုရားသခင် ထာဝရဘုရားကို စိတ်နှလုံးအကြွင်းမဲ့ဉာဏ်ရှိသမျှနှင့် ချစ်လော့၊ ဟူသော ပညတ်သည် ပဌမပညတ်ဖြစ်၏။ ကြီးမြတ်သော ပညတ်လည်းဖြစ်၏။ ထိုမှတပါး ကိုယ်နှင့်စပ်ဆိုင်သောသူကို ကိုယ်နှင့်အမျှ ချစ်လော့ဟူသော ဒုတိယကပညတ်သည် ပဌမ ပညတ်နှင့် သဘောတူ၏။’ (ရှင်မဿဲခရစ်ဝင် ၂၂:၃၇-၃၉) ‘သင်တို့သည် ငါ၏ဒေသနာ၌ တည်လျှင် ငါ့တပည့် အမှန်ဖြစ်ကြ၏။’ (ရှင်ယောဟန်ခရစ်ဝင် ၈:၃၁) လို့ ပြောခဲ့တယ်။ သခင့်ရဲ့ နှုတ်ကပတ်တော်တွေကနေ၊ ခမည်းတော်ရဲ့အလိုတော်ကို အမှန်တကယ် လုပ်ဆောင်သူတွေဆိုတာ စွန့်လွှတ်ခြင်း၊ အသုံးတော်ခံခြင်း၊ ကြိုးစားအားထုတ်ခြင်းနဲ့ အလုပ်လုပ်ခြင်းရဲ့ ဖြစ်စဉ်ထဲမှာ ဘုရားသခင်ရဲ့ နှုတ်ကပတ်တော်တွေကို လုပ်ဆောင်နိုင်တဲ့သူတွေ၊ ဘုရားသခင်ရဲ့ ပညတ်ချက်တွေကို နာခံနိုင်တဲ့သူတွေ၊ လူတွေအပေါ် ဘုရားသခင်ရဲ့ တောင်းဆိုချက်တွေကို လက်တွေ့လုပ်ဆောင်နိုင်တဲ့သူတွေ၊ စမ်းသပ်မှုတွေနဲ့ စစ်ဆေးမှုတွေရဲ့အလယ်မှာ ဘုရားသခင်အတွက် ခိုင်ခိုင်မာမာရပ်တည်ပြီး သက်သေခံနိုင်တဲ့သူတွေနဲ့ ဘုရားသခင်ကို စိတ်ကျေနပ်စေဖို့အတွက်သာလျှင် အရာရာကို လုပ်ဆောင်နိုင်တဲ့သူတွေ ဖြစ်တယ်ဆိုတာ ကျွန်တော်တို့ မြင်နိုင်တယ်။ ဒီလူတွေဟာ ဘုရားသခင်အတွက် စစ်မှန်တဲ့ နာခံမှုနဲ့ ချစ်ခြင်းမေတ္တာ ရှိတဲ့သူတွေပါ။ ဘုရားသခင်ကို အရာခပ်သိမ်းအထက်မှာ ရိုသေပြီး ဘုရားသခင်ရဲ့ တောင်းဆိုချက်တွေကို နာခံနိုင်ခဲ့တဲ့ အာဗြဟံလို လူတွေပေါ့။ ဘုရားသခင်က သူ့ရဲ့ တစ်ဦးတည်းသောသား ဣဇက်ကို ယဇ်ပလ္လင်ပေါ်မှာ ပူဇော်ဖို့ သူ့ကို တောင်းတဲ့အခါ သူက အကြောင်းပြချက်တွေ ဒါမှမဟုတ် ဆင်ခြေတွေ မရှာခဲ့ဘဲ အကြွင်းမဲ့နာခံခြင်းနဲ့ ဘုရားသခင် မိန့်ခဲ့တဲ့အတိုင်း လုပ်ဆောင်ခဲ့တယ်၊ ဣဇက်ကို ဘုရားသခင်ဆီ ပြန်ပေးဖို့ စိတ်ရင်းအတိုင်း ပြင်ဆင်ခဲ့ပြီး နောက်ဆုံးမှာ ဘုရားသခင်ရဲ့ ကောင်းချီးပေးတာခံခဲ့ရတယ်။ ပြီးတော့ ဘုရားသခင်ရဲ့ ချစ်ခြင်းမေတ္တာနောက်လိုက်ဖို့နဲ့ ဘုရားသခင်ကို စိတ်ကျေနပ်စေဖို့ သူ့ဘဝကို မြှုပ်နှံခဲ့တဲ့ ပေတရုလိုပေါ့။ သူက သခင်ယေရှုရဲ့ နှုတ်ကပတ်တော်တွေကို မှတ်မိခဲ့တယ်၊ ပြီးတော့ အရာခပ်သိမ်းမှာ သမ္မာတရားကို တောင့်တပြီး ရှာဖွေခဲ့တယ်။ သခင့်ရဲ့စေစားချက်ကို လက်ခံပြီးတဲ့နောက် ပေတရုဟာ အသင်းတော်ကို သခင့်ရဲ့အလိုတော်နဲ့ တောင်းဆိုချက်တွေအတိုင်း တင်းတင်းကျပ်ကျပ် ထိန်းကျောင်းခဲ့တယ်၊ သမ္မာတရားကို လက်တွေ့လုပ်ဆောင်ခြင်းနဲ့ ဘုရားသခင်ရဲ့ အလိုတော်ကို ဖြည့်ဆည်းခြင်းတို့ကို အလေးထားခဲ့တယ်၊ ပြီးတော့ နောက်ဆုံးမှာ ဘုရားသခင်အတွက် ပြောင်းပြန်ကားစင်တင်ခံခဲ့ရတယ်။ သူက ဘုရားသခင်ကို အစွမ်းကုန်ချစ်ခဲ့တယ်၊ သေတဲ့အထိတောင် နာခံခဲ့တယ်။ သူတို့နှစ်ယောက်လုံးက ဘုရားသခင်ကို စိတ်ကျေနပ်စေဖို့ အရာရာကို စွန့်လွှတ်ခဲ့ကြတယ်၊ သူတို့ရဲ့ ကိုယ်ပိုငအသက်ကိုတောင်မှပေါ့။ ဒီလိုလူတွေဟာ ဘုရားသခင်အတွက် စစ်မှန်တဲ့ နာခံမှုနဲ့ ချစ်ခြင်းမေတ္တာရှိကြတဲ့သူတွေပါ။ သူတို့ဟာ ဘုရားသခင်အတွက် လှပပြီး ကျယ်လောင်မြည်ဟိန်းတဲ့ သက်သေကို ဖန်တီးကြတဲ့အတွက် ဒီလူတွေဟာ ခမည်းတော်ရဲ့အလိုတော်ကို အမှန်တကယ် ဆောင်ကြတဲ့သူတွေပါပဲ။”

ယခင်က သခင်ယေရှုထံမှ ဤနှုတ်ကပတ်တော်များကို ကျွန်မ ဖတ်သည့်အခါ ၎င်းတို့အထဲတွင် ရှာဖွေရမည့် သမ္မာတရားရှိသည်ဟု ခံစားခဲ့ရသော်လည်း ကျွန်မ အပြည့်အဝနားမလည်ခဲ့ပါ။ သို့သော် ညီအစ်ကိုကျန်း၏ မိတ်သဟာယမှတဆင့် သခင်ယေရှု ဆိုလိုသည့်အရာကို နောက်ဆုံးတွင် ကျွန်မနားလည်ခဲ့သည်၊ ထို့ပြင် သူ၏ မိတ်သဟာယနှင့်အတူ ဤနှုတ်ကပတ်တော်များကို ကျွန်မ ဆင်ခြင်သည့်အခါ ယခင်က ကျွန်မ၏ ပြုမူလုပ်ဆောင်ပုံများအားလုံးကို အမှတ်ရစေခဲ့ပါသည်- သခင့်ကျေးဇူးတော်ကို ကျွန်မမွေ့လျော်ခဲ့သည့်အခါ သူ့အပေါ် ကျွန်မ၏ယုံကြည်ခြင်းမှာ အားကောင်းသယောင်ထင်ရပြီး သခင့်အတွက် ကျွန်မ စိတ်အားထက်သန်စွာ အသုံးတော်ခံခဲ့သည်၊ သို့သော် ကျွန်မအပေါ် ဘေးဒုက္ခနှင့် စမ်းသပ်မှုများ ကျရောက်သည့်အခါ သခင့်အပေါ် ကျွန်မ၏ ယုံကြည်ခြင်းကို ဆုံးရှုံးပြီး၊ သူကျွန်မကို မကွယ်ကာခဲ့ ဟူ၍ပင် မကျေမနပ်ပြောကာ သူ့အတွက် အသုံးတော်ခံရန် ကျွန်မ၏ စိတ်အားထက်သန်မှု ပျောက်ဆုံးခဲ့သည်။ ကျွန်မပြုလုပ်ခဲ့သမျှကို စဉ်းစားကြည့်သည့်အခါ သခင့်ကို ကျွန်မ တကယ်ပင် အပေးအယူလုပ်နေခဲ့သည်မှာ ပေါ်လွင်လာခဲ့သည်။ သခင့်ကို ကျွန်မ အမှန်တကယ် အသုံးချပြီး လှည့်ဖြားနေမိခဲ့ပါပြီလော။ ထိုသို့ အလုပ်လုပ်ခြင်းနှင့် အသုံးတော်ခံခြင်းက သခင့်ချီးမွမ်းမှုကို ရရှိစေနိုင်ခဲ့သလော။ ကျွန်မသည် ခမည်းတော်၏ အလိုတော်ကို ဆောင်သောသူတစ်ဦး အမှန်တကယ် မဖြစ်ခဲ့ဟန်တူသည်တကား။ သို့ဆိုလျှင် လူတစ်ဦးသည် ခမည်းတော်၏ အလိုတော်ကို ဆောင်ပြီး ကောင်းကင်နိုင်ငံတော်ထဲ ဝင်ရောက်သောသူတစ်ဦး မည်သို့ ဖြစ်လာနိုင်မည်နည်း။ ထို့ကြောင့် ကျွန်မ၏ မရှင်းလင်းမှုကို သူတို့ထံ ကျွန်မ ပြောပြခဲ့ပြန်သည်။

ညီအစ်မလီက နားထောင်ပြီးနောက် ပြုံးလိုက်ပြီး- “ဘုရားသခင်ရဲ့ ကျေးဇူးတော်ပါပဲ၊ အလွန်အရေးပါတဲ့မေးခွန်းကို ရှင်မေးလိုက်တာပဲ။ ကျွန်မတို့ဟာ ခမည်းတော်ရဲ့အလိုတော်ကို လုပ်ဆောင်တဲ့လူတွေ ဖြစ်လာနိုင်၊ ဖြစ်မလာနိုင်ဆိုတာက ကျွန်မတို့ရဲ့ ကိုယ်ပိုင်အဆုံးသတ်တွေနဲ့ ခရီးဆုံးပန်းတိုင်တွေနဲ့ တိုက်ရိုက်ပတ်သက်နေပါတယ်၊ ပြီးတော့ ဒီမေးခွန်းအပေါ် မိတ်သဟာယပြုဖို့ သိပ်လိုအပ်တာပေါ့။ နောက်ဆုံးသောကာလမှာ အနန္တတန်ခိုးရှင် ဘုရားသခင်ဖြစ်တဲ့ ပြန်ကြွလာတဲ့ သခင်ယေရှုက ဒီမေးခွန်းနဲ့ နှီးနွှယ်ပတ်သက်နေတဲ့ သမ္မာတရားနဲ့ နက်နဲမှုတွေကို ကျွန်မတို့ဆီ ထုတ်ဖော်ပြခဲ့ပြီးပါပြီ။ ပထမဦးဆုံး၊ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်ကျမ်းပိုဒ်အချို့ကို ဖတ်လိုက်ရအောင်။” ဟု ပြောလိုက်သည်။ သူမစကားပြောပြီးနောက်တွင် ညီအစ်မလီက ဘုရားနှုတ်ကပတ်တော်စာအုပ်ကို ဖွင့်လိုက်ပြီး စတင်ဖတ်ရှုလိုက်သည်- “ရွေးနုတ်ခြင်းခံရပြီးစဖြစ်ပြီး မပြောင်းလဲသေးသော၊ သို့မဟုတ် ဘုရားသခင်အားဖြင့် စုံလင်ခြင်းသို့ မရောက်သေးသော သင်တို့ကဲ့သို့ အပြစ်သားတစ်ဦးအနေနှင့် သင်သည် ဘုရားသခင်၏ စိတ်နှလုံးနှင့် ညီညွတ်နိုင်သလော။ လူဟောင်းအတိုင်း ရှိနေဆဲဖြစ်သည့် သင့်အတွက်ဆိုလျှင် သင့်ကို ယေရှုက ကယ်တင်ခဲ့ပြီး ဘုရားသခင်၏ ကယ်တင်ခြင်းကြောင့် သင့်ကို အပြစ်သားအဖြစ် မရေတွက်သည်မှာ မှန်သော်လည်း ၎င်းက သင်သည် အပြစ်ကင်းပြီး မသန့်ရှင်းသူမဟုတ်ကြောင်း သက်သေပြခြင်း မဟုတ်ပေ။ သင်သည် မပြောင်းလဲသေးပါက မည်ကဲ့သို့လျှင် သန့်ရှင်းစင်ကြယ်ခြင်း ရှိနိုင်မည်နည်း။ အတွင်း၌ သင်သည် မစင်ကြယ်ခြင်း၊ အတ္တနှင့် ဆိုးရွားယုတ်မာခြင်းတို့ဖြင့် ပတ်ချာဝိုင်းနေသည့်တိုင်အောင် သင်သည် ယေရှုနှင့်အတူ ဆင်းသက်လိုနေဆဲဖြစ်သည်၊ ကံကောင်းလိုက်မည့် ဖြစ်ခြင်း။ သင်သည် ဘုရားသခင်၌ သင်၏ယုံကြည်ခြင်းတွင် အဆင့်တစ်ခု ပျောက်ဆုံးခဲ့ပြီ။ သင်သည် ရွေးနုတ်ခြင်း ခံရရုံသာ ရှိသေးသည်၊ သို့သော် သင်သည် မပြောင်းလဲသေး။ သင်သည် ဘုရားသခင်၏ စိတ်နှလုံးနှင့် ညီညွတ်ရန်အလို့ငှာ ဘုရားသခင်သည် သင့်ကို ပြောင်းလဲစေခြင်းနှင့် သန့်စင်စေခြင်းအမှုကို ကိုယ်တိုင်လုပ်ရမည်။ သင်သည် အကယ်၍ ရွေးနုတ်ခြင်းကို ခံရရုံသာဖြစ်ပါက သင်သည် မွန်မြတ်သန့်ရှင်းခြင်းကို ရယူရန် စွမ်းဆောင်နိုင်လိမ့်မည် မဟုတ်ပေ။ ပြောင်းလဲခြင်းနှင့် စုံလင်စေခြင်း၏ အဓိကအဆင့်ဖြစ်သော လူကို စီမံခန့်ခွဲသည့် ဘုရားသခင်၏အမှုတွင် အဆင့်တစ်ဆင့်ကို သင်လွတ်သွားခဲ့သည့်အတွက် ဤနည်းလမ်းအားဖြင့် သင်သည် ဘုရားသခင်၏ ကောင်းမြတ်သော ကောင်းချီးများကို ဝေမျှရန် အရည်အသွေးပြည့်မီလိမ့်မည် မဟုတ်ပေ။ သို့ဖြစ်ရာ မကြာသေးမီက ရွေးနုတ်ခံရသော အပြစ်သားတစ်ဦးဖြစ်သည့် သင်သည် ဘုရားသခင်၏ အမွေအနှစ်ကို တိုက်ရိုက်အမွေဆက်ခံရန် စွမ်းဆောင်နိုင်မည်မဟုတ်ပေ။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အမည်နာမများနှင့် သွင်ပြင်လက္ခဏာနှင့် ပတ်သက်၍”)

“စာတန်၏ လွှမ်းမိုးမှုမှ လူသားများကို အပြည့်အဝ ကယ်တင်ခြင်းသည် ယေရှုကို အပြစ်ဖြေရာယဇ်အဖြစ် လူသားတို့၏ အပြစ်များကို ယူဆောင်သွားရန် လိုအပ်သည်သာမက စာတန်ယိုယွင်းဖျက်ဆီးခဲ့သော လူသားတို့၏ စိတ်သဘောထားကို လုံးဝပယ်ရှင်းရန် ဘုရားသခင်၏ ပိုကြီးမြတ်သော အမှုလည်း လိုအပ်သည်။ ထို့ကြောင့် လူသားတို့သည် မိမိတို့အပြစ်မှ ခွင့်လွှတ်ခြင်းခံရပြီးနောက် ဘုရားသခင်သည် လူသားတို့ကို ခေတ်သစ်တစ်ခုဆီသို့ ဦးဆောင်ခေါ်သွားရန် လူ့ဇာတိအဖြစ် ပြန်ကြွလာခဲ့ပြီး ပြစ်တင်ဆုံးမခြင်းနှင့် တရားစီရင်ခြင်းအလုပ်ကို စတင်ခဲ့ကာ ထိုအလုပ်သည် လူသားတို့အား ပိုမိုကြီးမြတ်သော နယ်ပယ်တစ်ခုဆီသို့ ဆောင်ကြဉ်းခဲ့သည်။ သူ၏အုပ်စိုးမှုကို နာခံသူအားလုံးသည် ပိုမြင့်သော သမ္မာတရားနှင့် ပိုကြီးမြတ်သော ကောင်းချီးများကို ခံစားရလိမ့်မည်။ သူတို့သည် အလင်းတွင် အမှန်တကယ် နေထိုင်ရမည်ဖြစ်ပြီး သမ္မာတရား၊ လမ်းခရီးနှင့် အသက်တို့ကိုလည်း ရကြလိမ့်မည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ ကျမ်းဦးစကား)

“နောက်ဆုံးသောကာလတွင် ခရစ်တော်သည် လူသားကို သွန်သင်ရန်၊ လူသား၏အနှစ်သာရကို ဖော်ထုတ်ရန်နှင့် လူသား၏ အပြုအမူများနှင့် စကားလုံးများကို ခွဲခြမ်းစိတ်ဖြာရန် အမျိုးမျိုးသော သမ္မာတရားများကို အသုံးပြု၏။ ထိုနှုတ်ကပတ်တော်များတွင် လူသား၏တာဝန်၊ လူသားသည် ဘုရားသခင်ကို မည်သို့နာခံသင့်ပုံ၊ လူသားသည် ဘုရားသခင်ကို မည်သို့သစ္စာရှိသင့်ပုံ၊ လူသားသည် သာမန်လူ့သဘာဝဖြင့် မည်သို့အသက်ရှင်နေထိုင်သင့်ပုံ၊ ထို့အပြင် ဘုရားသခင်၏ ဉာဏ်ပညာနှင့် စိတ်သဘာထား စသည်တို့ကဲ့သို့သော အမျိုးမျိုးသော သမ္မာတရားများ ပါဝင်သည်။ ထိုနှုတ်ကပတ်တော်များအားလုံးမှာ လူသား၏အနှစ်သာရနှင့် သူ၏ဖောက်ပြန်ပျက်စီးနေသော စိတ်သဘောထားတို့ကို ဦးတည်ပြောဆိုထားခြင်းဖြစ်သည်။ ဘုရားသခင်ကို လူသားက မည်ကဲ့သို့ပစ်ပယ်သည့်အကြောင်း ဖော်ထုတ်ပြသည့် ထိုနှုတ်ကပတ်တော်များမှာ လူသားသည် စာတန်၏ပြယုဂ် မည်ကဲ့သို့ဖြစ်ကြောင်း၊ ဘုရားသခင်ကို ဆန့်ကျင်သော ရန်သူ့အင်အား မည်ကဲ့သို့ဖြစ်ကြောင်းနှင့်စပ်လျဉ်း၍ အထူးသဖြင့် ပြောထားခြင်းဖြစ်သည်။ သူ၏တရားစီရင်ခြင်းအမှုကို ဆောင်ရွက်ရာတွင် ဘုရားသခင်သည် လူသား၏သဘာဝဗီဇကို စကားလုံးအနည်းငယ်မျှဖြင့်သာ ရှင်းလင်းအောင် မပြုပေ။ သူသည် ရေရှည်အတွက် ဖွင့်ပြခြင်း၊ ရိုက်နှက်ဆုံးမခြင်းနှင့် ပြုပြင်ပေးခြင်းတို့ကိုပြု၏။ ထိုဖွင့်ပြခြင်း၊ ရိုက်နှက်ဆုံးမခြင်းနှင့် ပြုပြင်ပေးခြင်း နည်းလမ်းတို့ကို သာမန်စကားလုံးများဖြင့် အစားမထိုးနိုင်ဘဲ၊ လူသားများ လုံးဝမပိုင်ဆိုင်သော သမ္မာတရားအားဖြင့်သာ အစားထိုးနိုင်သည်။ ဤကဲ့သို့သော နည်းလမ်းများကိုသာ တရားစီရင်မှုဟု ခေါ်ဆိုနိုင်သည်။ ဤတရားစီရင်မှု အမျိုးအစားအားဖြင့်သာ လူသားကို ထိန်းချုပ်နိုင်ပြီး ဘုရားသခင်ထံ နာခံဆက်ကပ်ခြင်းငှာ လုံးလုံးလျားလျား လက်ခံယုံကြည်လာအောင် လူသားကို လုပ်နိုင်သည့်အပြင် ဘုရားသခင်နှင့်ပတ်သက်သည့် စစ်မှန်သော အသိပညာကို ရရှိနိုင်သည်။ ဘုရားသခင်၏မျက်နှာစစ်ကို လူသားက သိနားလည်ခြင်းအကြောင်းနှင့် သူကိုယ်တိုင်၏ ပုန်ကန်မှုနှင့်ပတ်သက်သည့် သမ္မာတရားတို့ကို တရားစီရင်ခြင်းအမှုက ယူဆောင်လာသည်။ တရားစီရင်ခြင်းအမှုသည် ဘုရားသခင်၏ အလိုတော်၊ ဘုရားသခင့်အမှု၏ ရည်ရွယ်ချက်နှင့် လူသားနားမလည်နိုင်သော နက်နဲရာများတို့နှင့်ပတ်သက်သည့် များပြားလှသော သဘောပေါက်နားလည်မှုကို ရရှိလာစေရန် လူသားကို အခွင့်ပေးသည်။ ယင်းသည် လူသားကို သူ၏ဖောက်ပြန်ပျက်စီးသောအနှစ်သာရနှင့် ဖောက်ပြန်ပျက်စီးမှု၏ ဇစ်မြစ်များကို သိနားလည်စေရန် အခွင့်ပေးလေ၏။ ထို့အပြင် လူသား၏ အကျည်းတန်မှုကိုပါ ရှာဖွေတွေ့ရှိစေလေသည်။ ဤအကျိုးသက်ရောက်မှုအားလုံးတို့ကို တရားစီရင်ခြင်းအမှုအားဖြင့် ဆောင်ယူရရှိခဲ့လေ၏။ အကြောင်းမှာ ဤအမှု၏အနှစ်သာရသည် အကယ်စင်စစ် ဘုရားသခင်ကို ယုံကြည်သူများအားလုံးထံသို့ ဘုရားသခင်၏သမ္မာတရား၊ လမ်းခရီးနှင့် အသက်တို့ကို ဖွင့်ပြပေးသည့် အမှုပင်ဖြစ်သည်။ ဤအမှုသည် ဘုရားသခင်ပြုသော တရားစီရင်ခြင်းအမှုပင် ဖြစ်ပေ၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ခရစ်တော်သည် တရားစီရင်ခြင်း အမှုကို သမ္မာတရားဖြင့် ဆောင်ရွက်၏”)

ညီအစ်မလီက မိတ်သဟာယပြုပေးခဲ့သည်မှာ- “ကျွန်မတို့ဟာ ဘုရားသခင်ရဲ့အလိုတော်ကို လုပ်ဆောင်တဲ့လူတွေ ဖြစ်လာချင်တယ်ဆိုရင် နောက်ဆုံးသောကာလ ဘုရားသခင်ရဲ့ တရားစီရင်ခြင်းအလုပ်ကို ကျွန်မတို့ အရင်ဆုံး လက်ခံရမယ်ဆိုတာ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေက တကယ်ကို ရှင်းရှင်းလင်းလင်း ဖော်ပြပါတယ်။ ကျေးဇူးတော်ခေတ်မှာ သခင်ယေရှုက ရွေးနုတ်ခြင်းအမှုကို လုပ်ဆောင်ခဲ့တယ်၊ ဒါမှ သခင့်ကို ကျွန်မတို့ ယုံကြည်တဲ့နောက်မှာ ကျွန်မတို့ အပြစ်လုပ်မိရင် သခင့်ကို ကျွန်မတို့ ဆုတောင်းဖို့ပဲလိုပြီး ကျွန်မတို့ရဲ့အပြစ်တွေ ခွင့်လွှတ်ခံရမှာဖြစ်တယ်။ ဒါပေမယ့် ကျွန်မတို့ ငြင်းလို့မရတဲ့အရာကတော့ ကျွန်မတို့ရဲ့ ဆိုးယုတ်တဲ့သဘာဝဟာ ကျွန်မတို့ရဲ့ အတွင်းထဲမှာ အမြစ်တွယ်နေသေးတဲ့အတွက် ကျွန်မတို့ဟာ မာနထောင်လွှားခြင်း၊ မိမိကိုယ်ကိုယ်သာ အရေးထားခြင်း၊ မရိုးဖြောင့်ခြင်း၊ ကောက်ကျစ်ခြင်း၊ တစ်ကိုယ်ကောင်းဆန်ခြင်း၊ ယုတ်ညံ့ခြင်း၊ ဆိုးယုတ်ခြင်း နဲ့ လောဘတို့လို ဆိုးယုတ်တဲ့ စိတ်သဘောထားတွေကို မကြာခဏ ဖော်ထုတ်ကြတယ်၊ သခင့်ရဲ့ နှုတ်ကပတ်တော်တွေကို လက်တွေ့မလုပ်ဆောင်နိုင်ကြဘူး၊ ပြီးရင် ဆန္ဒအလျောက်မဟုတ်ဘဲ ဆက်ပြီးတော့ အပြစ်ပြုမိကြပြီး ဘုရားသခင်ကို အာခံတတ်ကြတယ်ဆိုတာပါပဲ။ အပြစ်ထဲမှာ၊ ဆိုးယုတ်တဲ့သဘာဝရဲ့ ချည်နှောင်မှုထဲမှာ အသက်ရှင်နေကြတဲ့ ကျွန်မတို့လိုလူတွေအတွက် ကျွန်မတို့ရဲ့ အပြစ်တွေကို အကြိမ်ပေါင်း အထောင်အသောင်း ခွင့်လွှတ်ခံရရင်တောင် ကျွန်မတို့က စာတန်နဲ့သက်ဆိုင်နေဦးမှာပဲ၊ ပြီးတော့ ဘုရားသခင်ရဲ့ သဘောကျလက်ခံမှုကို ကျွန်မတို့မရနိုင်သလို၊ ကောင်းကင်နိုင်ငံကို မဝင်နိုင်ပါဘူး။ ကျွန်မတို့ဟာ စာတန်ရဲ့ နက်နက်ရှိုင်းရှိုင်း ဖောက်ပြန်ဖျက်ဆီးခြင်းခံရတယ်ဆိုတာ ဘုရားသခင်က သိပါတယ်၊ ဒါကြောင့် နောက်ဆုံးသောကာလမှာ သူဟာ တစ်ဖန် လူ့ဇာတိခံလာပြီး သခင်ယေရှု လုပ်ဆောင်ခဲ့တဲ့ ရွေးနုတ်ခြင်းအမှုအပေါ် အခြေပြုပြီးတော့ ကျွန်မတို့ရဲ့ ဖောက်ပြန်ပျက်စီးတဲ့ စိတ်သဘောထားတွေကို သန့်စင်ပြီး ပြောင်းလဲဖို့အတွက် ဘုရားအိမ်တော်က အစပြုတဲ့ နောက်ထပ် တရားစီရင်ခြင်းအမှုကို လုပ်ဆောင်ဖို့ သမ္မာတရားတွေကို ဖော်ပြပြီးဖြစ်ပါတယ်။ အနန္တတန်ခိုးရှင် ဘုရားသခင်ရဲ့ နှုတ်ကပတ်တော်တွေထဲက တရားစီရင်ခြင်းကို ကျွန်မတို့တွေ့ကြုံတဲ့အခါ ကျွန်မတို့ရဲ့ ဖောက်ပြန်ပျက်စီးတဲ့ အနှစ်သာရတွေနဲ့ ဘုရားသခင်ကို ကျွန်မတို့ အာခံခြင်းရဲ့ အကြောင်းရင်းကို ရှင်းရှင်းလင်းလင်း မြင်ကြရတယ်၊ ဘုရားသခင်ရဲ့ ဖြောင့်မတ်ပြီး သန့်ရှင်းတဲ့ စိတ်နေသဘောထား၊ လူတွေကိုကယ်တင်ဖို့ ဘုရားသခင်ရဲ့ စိတ်ဆန္ဒ၊ သူ့ရဲ့အရာအားလုံးနဲ့ ဖြစ်ခြင်းတို့နဲ့ဆိုင်တဲ့ မှန်ကန်တဲ့ အသိပညာအချို့ကို ကျွန်မတို့ ရကြတယ်၊ ကျွန်မတို့မှာ ဘုရားသခင်ကို ကြောက်ရွံ့တဲ့နှလုံးသားတွေကို ကျွန်မတို့ ထုတ်ဖော်ပြကြပြီး ကျွန်မတို့ ကိုယ်ကိုယ်ကိုယ် အမှန်တကယ်ကို စက်ဆုပ်ရွံရှာနိုင်စွမ်း ရှိကြတယ်။ ဒါပြီးတဲ့နောက် ဖောက်ပြန်ပျက်စီးတဲ့ စိတ်သဘောထားတွေကို ကျွန်မတို့ ဖော်ထုတ်တဲ့အခါ ကျွန်မတို့ သတိရှိရှိနဲ့ ဇာတိရုပ်ပြနိုင်ကြပြီး ဘုရားသခင်ရဲ့ တောင်းဆိုချက်များနဲ့အညီ လက်တွေ့လုပ်ဆောင်နိုင်ကြတယ်။ တဖြည်းဖြည်းနဲ့ ကျွန်မတို့ဟာ ဘုရားသခင်ကို အရင်ထက် ပိုနာခံလာကြတယ်၊ ကျွန်မတို့ရဲ့ ဖောက်ပြန်ပျက်စီးတဲ့ စိတ်သဘောထားတွေဟာ လျော့ချခံရပြီး၊ ဘုရားသခင်ရဲ့ နှုတ်ကပတ်တော်တွေကို ကျွန်မတို့ အရင်ထက်ပိုပြီး လက်တွေ့လုပ်ဆောင်နိုင်ကြတယ်။ ဘုရားသခင်ရဲ့ တရားစီရင်ခြင်းနဲ့ ပြစ်တင်ဆုံးမခြင်းတွေကို စဉ်ဆက်မပြတ် တွေ့ကြုံခြင်းအားဖြင့် ကျွန်မတို့ဟာ ဘုရားသခင်အတွက် စစ်မှန်တဲ့ နာခံခြင်းနဲ့ ချစ်ခြင်းမေတ္တာတွေကို ဖြစ်ပေါ်စေနိုင်ကြတယ်၊ အရာခပ်သိမ်းမှာ ဘုရားသခင်ရဲ့ နှုတ်ကပတ်တော်ကို ဆောင်ရွက်နိုင်ပြီး သမ္မာတရားကို မှီအောင်လိုက်နိုင်ကြတယ်၊ အဲဒါက ကျွန်မတို့ဟာ ဘုရားသခင်ရဲ့ အလိုတော်ကို လုပ်ဆောင်တဲ့လူတွေ ဘယ်လိုဖြစ်လာနိုင်တယ်ဆိုတာပါပဲ။ ဒါကြောင့် နောက်ဆုံးသောကာလ ဘုရားသခင်ရဲ့ တရားစီရင်ခြင်းအမှုကို လက်ခံခြင်းနဲ့ သမ္မာတရားကို မှီအောင်လိုက်ခြင်းအားဖြင့်ပဲ ကျွန်မတို့ဟာ ဘုရားသခင်ရဲ့ အလိုတော်ကို လုပ်ဆောင်တဲ့လူတွေ ဖြစ်လာနိုင်ပြီး ကောင်းကင်နိုင်ငံတော်ထဲကို ဘုရားသခင်ရဲ့ ချီဆောင်ခြင်း ခံရမှာဖြစ်ပါတယ်။”

အနန္တတန်ခိုးရှင် ဘုရားသခင်၏ နှုတ်ကပတ်တော်များနှင့် ညီအစ်မလီ၏ မိတ်သဟာယတို့ကို ကြားပြီးနောက်တွင် များစွာ ပိုမိုသိမြင်လာသည်ဟု ကျွန်မခံစားရသည်။ မှန်ပါသည်၊ ဘုရားသခင်၏ စိတ်နေသဘောထားမှာ ဖြောင့်မတ်ပြီး သန့်ရှင်းပါသည်၊ ကျွန်မတို့မှာ အပြစ်ထဲတွင် အသက်ရှင်ပြီး ဆန္ဒအလျောက်မဟုတ်ဘဲ အပြစ်ပြုပြီး ဘုရားသခင်ကို အာခံနိုင်ကြသေးသည်။ ကျွန်မတို့သည် ခမည်းတော်၏ အလိုတော်ကို ဆောင်သောလူများ လုံးဝ မဟုတ်ပါ၊ ထို့ကြောင့် ကောင်းကင်နိုင်ငံတော်ထဲကို ဝင်ရောက်ဖို့ရန် ကျွန်မတို့သည် မည်ကဲ့သို့ အရည်အချင်းပြည့်မီနိုင်ကြမည်နည်း။ ကျွန်မတို့အနေဖြင့် အပြစ်၏ချည်နှောင်ခြင်းမှ လွတ်မြောက်ဖို့၊ သန့်စင်ခံရဖို့နှင့် ဘုရားသခင်အားဖြင့် အပြည့်အဝ ကယ်တင်ခံရဖို့ရန် နောက်ဆုံးသောကာလ ဘုရားသခင်၏ တရားစီရင်ခြင်းအမှုကို လက်ခံရန် အမှန်လိုအပ်သည်ဟု ကျွန်မအဖို့ ထင်ရသည်။ သူ၏ ဉာဏ်အလင်းပေးခြင်းနှင့် ဦးဆောင်လမ်းပြခြင်းတို့အတွက် သခင့်ကို ကျေးဇူးတင်ပါ၏။ ထိုနေ့က ကျွန်မ၏ ညီအစ်မောင်နှမများ၏ မိတ်သဟာယမှတဆင့် ကျွန်မကို အချိန်အလွန်ကြာမြင့်စွာ မရှင်းမလင်းဖြစ်စေခဲ့သည့် မေးခွန်းကို ချက်ချင်းနီးပါး ကျွန်မနားလည်ခဲ့ပါသည်။ ဗျာဒိတ်ကျမ်းထဲတွင် ဖော်ပြထားသည့် ဘုရားသခင်သာ ဖွင့်နိုင်သော တံဆိပ်ခုနှစ်ခုနှင့် စာစောင်ကို ကျွန်မအမှတ်ရမိသည်။ သခင်သာ ပြန်မကြွလာခဲ့လျှင် ထိုသို့သော နက်နဲရာများကို အခြားမည်သူတို့က ရှင်းပြနိုင်မည်နည်း။ ယခင်က သူ့၏ပြန်အလာကို တည်ကြည်စွာ စောင့်မျှော်သည် ပညာသတိရှိသောသတို့သမီးများထဲမှ တစ်ဦးဖြစ်ဖို့ သခင့်ဆီ ကျွန်မ ဆုတောင်းခဲ့သည်၊ သို့သော် ပြန်ကြွလာသည့်သခင်ကို အမှန်တကယ် ကြိုဆိုလက်ခံနိုင်လိမ့်မည်ဟု လုံးဝစိတ်မကူးဝံ့ခဲ့ပါကလား။ ကျွန်မ ပို၍တွေးလေ၊ ကျွန်မ၏စိတ်နှလုံး ပို၍ကြည်လင်ရွှင်ပြလာလေ ဖြစ်သည်။ ကျွန်မအဖို့ ဤအရာအားလုံးမှာ သခင်၏ ကောင်းမြတ်သော စေတနာများ ဖွဲ့စည်းပါဝင်နေပုံရသည်၊ ထို့ကြောင့် နောက်ဆုံးသောကာလ အနန္တတန်ခိုးရှင် ဘုရားသခင်၏အမှုကို ဝီရိယရှိရှိ လေ့လာဆန်းစစ်ရန် ကျွန်မဆုံးဖြတ်ခဲ့သည်။ ကျွန်မမပြန်မီတွင် ညီအစ်ကိုကျန်းက “သိုးသငယ် ဖွင့်သည့် စာစောင်” ဟူသည့် စာအုပ်တစ်အုပ်ကို ပေးခဲ့ရာ ကျွန်မ ပျော်ရွှင်စွာ လက်ခံခဲ့ပါသည်။

နောက်ဆုံးသောကာလ ဘုရားသခင်၏အမှုကို လက်ခံခြင်းက ကျွန်မနှလုံးသားကို အနှိုင်းမရှိသော ချိုမြိန်မှုပေးသည်

နောက်ပိုင်းကာလတွင် အနန္တတန်ခိုးရှင်ဘုရားသခင်အသင်းတော်၏ ဧဝံဂေလိရုပ်ရှင်များနှင့် ဓမ္မသီချင်းဗွီဒီယိုများကို ကြည့်ရှုခြင်း၊ သူတို့၏ ဓမ္မသီချင်းအယ်လ်ဘမ်များကို နားထောင်ခြင်းနှင့် ဘုရားသခင်၏ နှုတ်ကပတ်တော်ကို ဖတ်ရှုခြင်းတို့မှတဆင့် ဘုရားသခင်၏ အနှစ်ခြောက်ထောင် စီမံခန့်ခွဲမှုအစီအစဉ်၊ ဘုရားသခင်၏ လူ့ဇာတိခံယူခြင်းနှင့် စပ်လျဉ်းသည့် သမ္မာတရားရှုထောင့်များ၊ ဘုရားနာမတော်၏ နက်နဲမှုနှင့် အနန္တတန်ခိုးရှင် ဘုရားသခင်မှာ ကျွန်မတို့ အချိန်အလွန်ကြာရှည်စွာ စောင့်မျှော်ခဲ့ကြသည့် သခင်ယေရှုဖြစ်သည်ဟု ကျွန်မကို သေချာစေခဲ့သော အခြားအရာတို့ကိုပါ ကျွန်မ နားလည်လာခဲ့ပါသည်။ ဘုရားသခင်၏ နှုတ်ကပတ်တော်တွင် ကျွန်မ ဖတ်ရသည်မှာ- “အနန္တတန်ခိုးရှင်၏ အသက်ထောက်မခြင်းထံမှ လမ်လွဲပြီးသောအခါ လူသားတို့သည် ဘဝရည်ရွယ်ချက်ကို မသိနားမလည်ကြသော်လည်း မည်သို့ပင်ဆိုစေကာမူ သေခြင်းတရားကို ကြောက်ရွံ့ကြ၏။ ၎င်းတို့၌ အကူအညီ သို့မဟုတ် စောင့်မမှုကင်းမဲ့ကြသော်လည်း မိမိတို့၏မျက်လုံးများကို မှိတ်ရန်ဝန်လေးနေကြဆဲဖြစ်၍ ဤလောကကြီးထဲ၌ ယုတ်ညံ့သောဘဝကို အချိန်ဆွဲရန် မိမိတို့ကိုယ်ကို စိတ်တင်းထားကြ၏၊ မိမိတို့ကိုယ်တိုင်၏စိတ်ဝိညာဉ်များအကြောင်း မသိသည့် လူစင်မမီသောသူများပေတည်း။ သင်သည် မျှော်လင့်ချက်၊ ရည်မှန်းချက်ကင်းမဲ့စွာဖြင့် အခြားသူများနည်းတူ ဤပုံစံဖြင့် အသက်ရှင်၏။ ဒဏ္ဍာရီလာ သန့်ရှင်းသူတစ်ပါးတည်းသာ မိမိတို့၏ဒုက္ခဆင်းရဲအလယ်၌ ညည်းတွားလျက်နေကာ သူ၏ကြွရောက်လာခြင်းကို အသည်းအသန် စောင့်မျှော်နေသောလူများကို ကယ်တင်လိမ့်မည်။ ယခုအချိန်အထိ အသိဉာဏ်မရှိသောလူများ၌ ယင်းကဲ့သို့ယုံကြည်မှုမျိုး ဖြစ်မြောက်ဖူးခြင်းမရှိပေ။ မည်သို့ပင်ဆိုစေကာမူ လူတို့သည် ၎င်းကို အလွန်တမ်းတနေကြဆဲဖြစ်၏။ အနန္တတန်ခိုးရှင်သည် အလွန်အမင်း ဒုက္ခဆင်းရဲကိုခံဖူးသော ဤလူများအပေါ် သနားကရုဏာရှိ၏၊ တစ်ချိန်တည်းတွင် သူသည် လူသားတို့ထံမှ အဖြေတစ်ခုကို စောင့်ဆိုင်းနေခဲ့ရသည်မှာ အလွန်ကြာလှပြီဖြစ်သောကြောင့် အသိဉာဏ်ကင်းမဲ့သော ဤလူများကိုလည်း စိတ်ပျက်၏။ သင်သည် ရေငတ်ခြင်းနှင့် ဆာလောင်ခြင်းကို မခံရတော့မည့်အကြောင်း သူသည် ရှာဖွေရန်၊ သင်၏စိတ်နှလုံးနှင့် ဝိညာဉ်ကို ရှာဖွေရန်၊ သင့်ထံ ရေနှင့် အစာကို ယူဆောင်လာရန်နှင့် သင့်ကို နှိုးရန် ဆန္ဒရှိတော်မူ၏။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အနန္တတန်ခိုးရှင် သက်ပြင်းချတော်မူခြင်း”) ဘုရားသခင်၏ နှုတ်ကပတ်တော်များထဲတွင် လူသားမျိုးနွယ်အတွက် သူ၏ချစ်ခြင်းမေတ္တာကို ကျွန်မခံစားခဲ့ရသည်။ ဘုရားသခင်သည် အပြစ်ထဲတွင် အသက်ရှင်သော ကျွန်မတို့အတွက် အစဉ်အမြဲ ပူပန်ခဲ့ပြီး သူ၏အသံတော်ကို ကျွန်မတို့ကြားနိုင်ပြီး သူ၏ ကယ်တင်ခြင်းကို ကျွန်မတို့လက်ခံနိုင်ဖို့ ဘုရားသခင် မျှော်လင့်ပါသည်။ ကျွန်မ၏ အကြီးမားဆုံး စိတ်ရှုပ်ထွေးမှုကာလတွင် ဘုရားသခင်၏ နိုင်ငံတော်ဧဝံဂေလိတရားကို ကျွန်မဆီဟောပြောဖို့အပြင်၊ ကျွန်မသည် ဘုရားသခင်၏ရှေ့မှောက်လာပြီး ဘုရားသခင်၏ အသစ်သောအမှုကို အမှီလိုက်ဖို့ အခွင့်အရေးရရှိရန်အလို့ငှာ များစွာသော သမ္မာတရားရှုထောင့်များနှင့်ပတ်သက်ပြီး ကျွန်မနှင့် စိတ်ရှည်လက်ရှည် မိတ်သဟာယပြုပေးဖို့ ဘုရားသခင်က ညီအစ်ကိုကျန်းနှင့် ညီအစ်မလီတို့ကို အံ့သြဖွယ်ရာ စီစဉ်ညွှန်ကြားပြီး စီမံပေးခဲ့ပုံကို ကျွန်မ အမှတ်ရမိသည်။ ဤသည်မှာ အမှန်တကယ်ပင် ဘုရားသခင်၏ ကျေးဇူးတော်နှင့် ကယ်တင်ခြင်းပေတည်း။ အထူးသဖြင့် “ဘုရား၏ စစ်မှန်သော မေတ္တာ” ဟု ခေါ်သည့် အသင်းတော်ဓမ္မသီချင်းကို ကျွန်မကြားသည့်အခါ သီချင်းစာသားတစ်ကြောင်းစီမှာ ကျွန်မ၏ သဘောသွားဖြစ်သည့်အပြင် ကျွန်မ၏ ကိုယ်ပိုင် တကယ့်အတွေ့အကြုံဖြစ်သည်ဟု ခံစားခဲ့ရသည်။ ကျွန်မကို ကယ်တင်ခြင်းအတွက် ဘုရားသခင်ကို ကျေးဇူးပါ၏။ ကျွန်မ၏ စစ်မှန်သောအိမ်ကို နောက်ဆုံး၌ ကျွန်မရှာတွေ့ခဲ့လေပြီ။

ဘုရားသခင်၏ နှုတ်ကပတ်တော်က ဘုရားသခင်ကို ယုံကြည်မှုအပေါ် ကျွန်မ၏ လွဲမှားသောအမြင်များကို ပြောင်းလဲစေသည်

တစ်နေ့၌ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် ၂” ထဲတွင် ယောဘ၏ အတွေ့အကြုံအပေါ် ဘုရားသခင် မိတ်သဟာယပြုသည်ကို ကျွန်မဖတ်ရသည်၊ ထို့နောက်တွင်မှ ဘုရားသခင်ကို ကြောက်ရွံ့ရိုသေပြီး မကောင်းသောအကျင့်ကိုရှောင်သည့် ယောဘကဲ့သို့သော လူတို့ကို ဘုရားသခင် သဘောကျလက်ခံကြောင်း ကျွန်မနားလည်ခဲ့သည်။ သူကြုံတွေ့ခဲ့ရသည့် စမ်းသပ်မှုများအတောအတွင်း သူ၏ ချမ်းသာကြွယ်ဝမှုမှာ ချွတ်ခြုံကျသွားပြီး သူ၏သားသမီးများ သေဆုံးကြသည်၊ သူသည် မချိတင်ကဲဝေဒနာ ခံစားရသော်လည်း ဘုရားသခင်ကို သူ လုံးဝ စောဒကမတက်ခဲ့ပါ၊ ယင်းအစား- “ငါသည် အမိဝမ်းထဲက အဝတ်အချည်းစည်း ထွက်လာရ၏၊ အဝတ်အချည်းစည်းဖြင့်ပင် ငါပြန်သွားရမည်။ ယေဟောဝါသည် ပေးတော်မူ၏၊ ပြီးလျှင် ယေဟောဝါသည် ပြန်နူတ်သိမ်းတော်မူ၏၊ ယေဟောဝါ၏ နာမတော်သည် မင်္ဂလာရှိပါစေ” (ယောဘဝတ္တု ၁:၂၀-၂၁) ဟုသာ ဆိုခဲ့သည်။ သူ၏တစ်ကိုယ်လုံးအနှံ့ အနာစိမ်းများပေါက်လျက် စမ်းသပ်မှုများကို တစ်ဖန် ယောဘရင်ဆိုင်ရသည့်အခါ သူသည် ဘုရားသခင်၌ သူ၏ယုံကြည်ခြင်းကို ဆုပ်ကိုင်ထားဆဲဖြစ်ပြီး ဘုရားသခင်ကို ဆန့်ကျင်လျက် ညည်းညူသည်ထက် မိမိကိုယ်ကိုယ် ကျိန်ဆဲခဲ့သည်။ ဤအရာမှ ယောဘ၏ ဘုရားသခင်ကို ကြောက်ရွံ့ခြင်းနှင့် နာခံမှုတို့မှာ စစ်မှန်ခဲ့ကြောင်း ကျွန်မမြင်နိုင်သည်။ ဘုရားသခင် ပေးသည်ဖြစ်စေ၊ ယူသွားသည်ဖြစ်စေ ကိုယ်တော်၏ စီစဉ်ညွှန်ကြားမှုများနှင့် စီမံမှုများကို ယောဘနာခံနိုင်ခဲ့ပြီး သူ၏ ယုံကြည်ခြင်းက စုံစမ်းစစ်ဆေးခြင်းကို ခံရပ်ခဲ့သည်။

ထိုဆောင်းပါးထဲတွင် အခြားသော ဘုရားသခင်၏နှုတ်ကပတ်တော် ကျမ်းပိုဒ်ကို ကျွန်မဖတ်ခဲ့ရပါသည်- “ဘုရားသခင်ကို လိုက်စားနေသည့် တစ်ချိန်တည်း၌ပင် လူသားသည် ဘုရားသခင်ကို ဘုရားသခင်ကဲ့သို့ သဘောမထားပေ။ သူသည် ဘုရားသခင်နှင့် အပေးအယူများလုပ်ရန် အမြဲကြိုးစားခဲ့သည်၊ သူ့အပေါ် မရပ်မနား တောင်းဆိုချက်များကို တင်ပြပြီး ခြေလှမ်းတိုင်းတွင် သူ့အား ဖိအားပေးခြင်းပင်ပြု၍ တစ်လက်မ ပေးပြီးနောက် တစ်မိုင်လောက်ယူရန် ကြိုးစားလျက်ရှိသည်။ ဘုရားသခင်နှင့် အပေးအယူများလုပ်ရန် ကြိုးစားနေသည့် တစ်ချိန်တည်းတွင် လူသားသည် သူနှင့်ငြင်းခုံပြီး စမ်းသပ်မှုများ ၎င်းတို့အပေါ် ကျရောက်သည့်အခါ သို့မဟုတ် တိကျသော အခြေအနေများ၌ ၎င်းတို့ကိုယ်ကို ရောက်ရှိနေကြောင်း သိသည့်အခါ မကြာခဏ ခွန်အားနည်းခြင်း၊ မတုန်မလှုပ် ဖြစ်ခြင်းနှင့် ၎င်းတို့၏ အလုပ်ထဲ၌ ပေါ့ဆခြင်းဖြစ်လာပြီး ဘုရားသခင်နှင့်ပတ်သက်၍ ညည်းညူစရာများ အပြည့်ရှိသည်။ သူသည် ဘုရားသခင်ကို ပထမဦးဆုံး စတင်ယုံကြည်ခဲ့ကတည်းက လူသားသည် ဘုရားသခင်အား ကော်နူကိုပီယာ ခေါ် ဆွစ်တပ်မတော် စွယ်စုံသုံးဓားကဲ့သို့ သဘောထားခဲ့ပြီး သူ့ကိုယ်သူ ဘုရားသခင်၏ အကြီးဆုံးသော အကြွေးရှင်အဖြစ် သဘောထားခဲ့ကာ ဘုရားသခင်ထံမှ ကောင်းချီးမင်္ဂလာများနှင့် ကတိများကိုရရန် ကြိုးစားခြင်းမှာ သူ၏ ရှိရင်းစွဲ အခွင့်အရေးနှင့် တာဝန်ဝတ္တရားဖြစ်၍ ဘုရားသခင်၏ တာဝန်မှာ လူသားကို ကာကွယ် စောင့်ရှောက်ရန်နှင့် ထောက်ပံ့ရန် ဖြစ်သကဲ့သို့ သဘောထားခဲ့သည်။ ယင်းမှာ ဘုရားသခင်ကို ယုံကြည်သော သူအားလုံး၏ ‘ဘုရားသခင်အပေါ် ယုံကြည်ခြင်း’ ၏ အခြေခံအသိဖြစ်ပြီး ဘုရားသခင်အပေါ် ယုံကြည်ခြင်း အယူအဆနှင့်ဆိုင်သော ၎င်းတို့၏ အနက်ရှိုင်းဆုံးသော အသိဖြစ်သည်။ လူ၏ သဘာဝ အနှစ်သာရမှ သူ၏ ဓမ္မဓိဌာန်မကျသော လိုက်စားမှုတွင် ဘုရားသခင်ကို ကြောက်ရွံ့ခြင်းနှင့်သက်ဆိုင်သောအရာ တစ်ခုမျှ မရှိပေ။ ဘုရားသခင်ကို ယုံကြည်ရာ၌ လူသား၏ ရည်မှန်းချက်မှာ ဘုရားသခင်ကို ကိုးကွယ်ခြင်းနှင့် သက်ဆိုင်နိုင်ခြေ ရှိမည်မဟုတ်ပေ။ ဆိုလိုသည်မှာ ဘုရားသခင်အပေါ် ယုံကြည်ခြင်းတွင် ဘုရားသခင်ကို ကြောက်ရွံ့ခြင်းနှင့် ဘုရားသခင်ကို ကိုးကွယ်ခြင်း လိုအပ်ကြောင်း လူသားသည် မည်သည့်အခါမျှ သဘောထားခဲ့ခြင်း သို့မဟုတ် နားလည်ခဲ့ခြင်း မရှိပေ။ ယင်းကဲ့သို့ အခြေအနေများအရ လူသား၏ အနှစ်သာရမှာ သိသာထင်ရှားပေသည်။ ထို့အပြင် ဤအနှစ်သာရမှာ အဘယ်အရာ ဖြစ်သနည်း။ လူသား၏ စိတ်နှလုံးမှာ အငြိုးထားတတ်ခြင်း၊ သစ္စာမဲ့ခြင်းနှင့် လှည့်ဖြားမှုကို လက်သင့်ခံခြင်း၊ မျှတမှုနှင့် ဖြောင့်မတ်ခြင်း သို့မဟုတ် အပြုသဘောဆောင်သော အရာကို မနှစ်သက်ခြင်း၊ စက်ဆုပ်ဖွယ်ဖြစ်၍ အလိုကြီးခြင်းကြောင့် ဖြစ်သည်။ လူသား၏ စိတ်နှလုံးသည် ဘုရားသခင်နှင့် သာ၍ နီးကပ်နိုင်ခြင်း မရှိပေ၊ သူသည် စိတ်နှလုံးကို ဘုရားသခင်အား လုံးဝ ပေးခဲ့ပြီးခြင်း မရှိပေ။ ဘုရားသခင်သည် လူသား၏ စစ်မှန်သော စိတ်နှလုံးကို တစ်ကြိမ်တစ်ခါမျှ မြင်ဖူးခြင်း မရှိသည့်အပြင် သူသည် လူသား၏ ကိုးကွယင်ခြင်းကိုလည်း ခံဖူးခြင်း မရှိပေ။…ယောဘနှင့် နှိုင်းယှဉ်ပါက သင်တို့၏ ယုံကြည်ခြင်းမှာ ဖော်ပြရန်ပင် မထိုက်တန်ပေ။ သင်တို့သည် ဘုရားသခင်၏ ရန်သူများ ဖြစ်ကြသည်၊ သင်တို့သည် ဘုရားသခင်ကို ကြောက်ရွံ့ခြင်း မရှိကြပေ၊ ဘုရားသခင်အား သင်တို့ သက်သေခံရာ၌ မြဲမြံစွာ ရပ်တည်နိုင်စွမ်း မရှိကြသည့်အပြင် စာတန်၏ တိုက်ခိုက်မှုများ၊ စွပ်စွဲချက်များနှင့် စုံစမ်းနှောင့်ယှက်မှုများကို အောင်မြင်နိုင်ခြင်း မရှိကြပေ။ ဘုရားသခင်၏ ကတိများကို လက်ခံရရှိစေရန် မည်သည့်အရာက သင်တို့အား အရည်အချင်းပြည့်မီစေသနည်း။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် ၂”) ဘုရားသခင်၏ နှုတ်ကပတ်တော်ထဲက ယောဘ၏ အတွေ့အကြုံနှင့် ထုတ်ဖော်ပြခြင်းတို့ကို မြင်ရသည့်အခါ ကျွန်မအလွန်ရှက်ရွံ့မိပါသည်။ ဘုရားသခင်ကို ကျွန်မယုံကြည်ခဲ့စဉ်က ကျွန်မ အသုံးတော်ခံခဲ့ပြီး အဖိုးအခပေးခဲ့သော်လည်း ယင်းတို့မှာ ကျွန်မ၏ ကိုယ်ပိုင် တစ်ကိုယ်ရည် ညစ်ညူးစေသောအရာများနှင့် ပြည့်နေခဲ့သည်။ ကျွန်မ ရှာဖွေလိုက်စားခဲ့သည့်အရာမှာ မိမိကိုယ်တိုင်အတွက် ကောင်းချီးမင်္ဂလာများနှင့် ကျေးဇူးတော်ကို ရရှိဖို့ရန်ဖြစ်ခဲ့ပြီး၊ ကျွန်မလုပ်ဆောင်ခဲ့သည့်အရာ၏ အနှစ်သာရမှာ ဘုရားသခင်နှင့် အပေးအယူလုပ်ခြင်းဖြစ်သည်။ ဘုရားသခင်က ကျွန်မကို ကျေးဇူးတော်နှင့် ကောင်းချီးမင်္ဂလာများ ပေးသည့်အချိန်တွင် ကျွန်မသည် ဧဝံဂေလိတရားကို တက်ကြွစွာ ဟောပြောခဲ့ပြီး သူ့အတွက် စိတ်အားထက်သန်စွာ အသုံးတော်ခံခဲ့သည်။ သို့သော် ကျွန်မ၏ကုမ္ပဏီက ဒေဝါလီခံရခြင်းကို ရင်ဆိုင်ရပြီး အလွန်အမင်း အကြွေးတင်နေသောအခါ ကျွန်မကို မကွယ်ကာပေးခြင်းအတွက် ဘုရားသခင်ကို ကျွန်မ ဆန့်ကျင်ညည်းညူပြီး၊ ထို့နောက်တွင် ဘုရားသခင့်အပေါ် ကျွန်မ၏ယုံကြည်မှု ပျောက်ဆုံးကာ၊ သူ့အတွက် အသုံးတော်ခံဖို့ မတက်ကြွခဲ့တော့ပေ။ ယခုတွင်မူ ဤနည်းဖြင့် အသုံးတော်ခံခြင်းနှင့် အဖိုးအခပေးခြင်းတို့ကို ဘုရားသခင် လက်မခံသလို အပြင်ပန်းအရ ကျွန်မ မည်မျှပင် လုပ်ဆောင်ပါလေ့စေ၊ ထိုအရာအားလုံးကို ကျွန်မ၏ တစ်ကိုယ်ရေ အကျိုးများအတွက် ဘုရားသခင်၏ ကောင်းချီးမင်္ဂလာများကို ရရှိဖို့ရန် လုပ်ဆောင်ခဲ့ခြင်းဖြစ်သည်ကို နောက်ဆုံးတွင် ကျွန်မ ရှင်းရှင်းလင်းလင်း မြင်တွေ့သွားခဲ့သည်။ ဘုရားသခင်၏ အလိုတော်ကို ဆောင်ခဲ့သောသူတစ်ဦးအဖြစ် ကျွန်မ အခေါ်ခံရနိုင်ဖို့ မဆိုထားနှင့်၊ ဘုရားသခင်ကို စိတ်ကျေနပ်စေဖို့ရန်ပင် ကျွန်မ လုံးဝမလုပ်ဆောင်ခဲ့ပါ။ ဤအရာများကို ကျွန်မ နားလည်သဘောပေါက်သည့်အချိန်တွင် ဘုရားသခင်ကို ကျွန်မ အလွန်များစွာ အကြွေးတင်သည်ဟု ခံစားခဲ့ရသည်၊ ထို့ကြောင့် ကျွန်မသည် အလျင်အမြန်ပင်- “ဘုရားသခင်၊ အရင်က ကျွန်မရဲ့ဝမ်းကို အစာဖြည့်ဖို့ ရှာခဲ့တဲ့အတွက်ကြောင့်သာ ကိုယ်တော့်ကို ကျွန်မယုံကြည်ခဲ့တယ်။ ကိုယ်တော့်ထံကနေ ကျေးဇူးတော်နဲ့ ကောင်းချီးမင်္ဂလာတွေကို ညှစ်ယူဖို့ ကျွန်မ ကြိုးစားနေခဲ့မိတယ်၊ ပြီးတော့ ကျွန်မလုပ်ဆောင်အသုံးတော်ခံခဲ့တဲ့ အချိန်မှာတောင် အဲဒါက ကိုယ်တော်နဲ့ အပေးအယူလုပ်ဖို့ ဖြစ်ခဲ့ပါတယ်။ အခုတော့ ကိုယ်တော်ရဲ့ နှုတ်ကပတ်တော်တွေကနေ ယုံကြည်မှုအပေါ် ကျွန်မရဲ့အမြင်တွေ လွဲမှားတယ်ဆိုတာ ကျွန်မမြင်ပါပြီ။ ကိုယ်တော့်ထံ နောင်တရဖို့ ကျွန်မဆန္ဒရှိပါတယ်၊ ကျွန်မအနေနဲ့ ကိုယ်တော်ကို အမှန်တကယ် ကြောက်ရွံ့ပြီး နာခံတဲ့သူတစ်ဦး ဖြစ်လာနိုင်ဖို့ ရှေ့လျှောက်လမ်းမထက်မှာ ကိုယ်တော်ရဲ့ လမ်းပြမှုကို ကျွန်မတောင်းလျှောက်ပါတယ်” ဟု ဘုရားသခင်ထံ ဆုတောင်းလိုက်ပါသည်။

စမ်းသပ်မှုများ လာသည့်အခါ ဘုရားသခင်၏ နှုတ်ကပတ်တော်က အနန္တတန်ခိုးရှိသည်

နောက်များမကြာမီတွင် ကျွန်မထံသို့လည်း စမ်းသပ်မှုတစ်ခု ရောက်လာခဲ့သည်။ ပထမဆုံး ကျွန်မအလုပ်ကို ကျွန်မဆုံးရှုံးခဲ့ရသည်၊ ယင်းနောက် ကျွန်မအမျိုးသား၏မျက်စိမှာ ကောင်းနေရာမှ ရုတ်တရက်ရပ်ဆိုင်းသွားခဲ့သည်။ သူက ချက်ချင်း ခွဲစိတ်ကုသမှု လိုအပ်ခဲ့သည်။ အစတွင် ဤအရာများ ကျွန်မအပေါ် အဘယ်ကြောင့် ဤမျှရုတ်တရက် ဖြစ်ပျက်ခဲ့သည်ကို ကျွန်မဇဝေဇဝါဖြစ်ခဲ့သည်။ “ဘယ်လိုဖြစ်ပြီး နောက်ဆုံးသောကာလ ဘုရားသခင်ရဲ့ အမှုတော်ကို ကျွန်မ လက်ခံပြီးတဲ့နောက်မှာပဲ ဒီကံအကြောင်းမလှတဲ့အရာတွေ ငါ့ဆီ ဖြစ်နိုင်ရတာလဲ။ ဘာဖြစ်နေတာလဲ” ဟု ကျွန်မတွေးခဲ့သည်။ ကျွန်မ၏စိတ်က တဒင်္ဂအတွင်း ငေးကြောင်ကြောင်ဖြစ်ခဲ့ပြီး ဘုရားသခင်ထံ ဆုတောင်းကာ ကျွန်မ၏ အမျိုးသားကို ကွယ်ကာပေးရန် သူ့ကိုတောင်းလျှောက်ခြင်းမှလွဲ၍ ကျွန်မ ဘာမျှမတတ်နိုင်ခဲ့ပါ။ သို့သော် ကျွန်မ ဆုတောင်းပြီးသည့်နောက် ဘုရားသခင်၏ နှုတ်ကပတ်တော် ကျမ်းတစ်ပိုဒ်ကို ကျွန်မသတိရခဲ့သည်- “အကယ်၍ ၎င်းတို့သည် အကယ်တင်ခံလိုပြီး ဘုရားသခင်၏ ရယူခြင်းကို အကြွင်းမဲ့ ခံလိုပါက ဘုရားသခင် နောက်လိုက်သောသူ အားလုံးသည် စာတန်ထံမှ အကြီးနှင့် အငယ်နှစ်မျိုးလုံး ဖြစ်သော စုံစမ်းနှောင့်ယှက်ခြင်းများနှင့် တိုက်ခိုက်မှုများကို ရင်ဆိုင်ကြရမည်။ ဤစုံစမ်းနှောင့်ယှက်ခြင်းများနှင့် တိုက်ခိုက်မှုများမှ လွတ်လာသောသူများနှင့် စာတန်ကို လုံးလုံးလျားလျား ရှုံးနိမ့်စေနိုင်သောသူများသည် ဘုရားသခင်၏ ကယ်တင်ခြင်းကို ခံရသောသူများ ဖြစ်ကြသည်။” (နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ဘုရားသခင်၏ အမှုတော်၊ ဘုရားသခင်၏ စိတ်သဘောထားနှင့် ဘုရားသခင် ကိုယ်တော်တိုင် ၂”) ဤအခြေအနေများက တိုက်ဆိုင်မှုတစ်ခု လုံးဝမဟုတ်ခဲ့သည်ကို ထို့အခါမှ ကျွန်မ နားလည်သဘောပေါက်ခဲ့သည်။ ဤသည်မှာ ဝိညာဉ်ရေးရာစစ်ပွဲတစ်ခုဖြစ်ပြီး သက်သေခံဖို့ ဘုရားသခင်တောင်းဆိုခဲ့သည့် အခိုက်အတန့်ဖြစ်သည်။ ယောဘ၏ စမ်းသပ်မှုများအတောအတွင်း ကဲ့သို့ပင်၊ အပြင်ပန်းတွင် ဓါးပြများက သူ၏ကြွယ်ဝမှုကို ခိုးယူသွားခဲ့ပြီး ကပ်ဘေးက သူ့သားသမီးများ၏ အသက်များကို နုတ်ယူသွားခဲ့သည်ဟု ထင်ရသည့်အချိန်တွင် ယင်း၏နောက်ကွယ်၌ ထိုအရာမှာ ဘုရားသခင်နှင့် စာတန်တို့ကြားက အလောင်းအစားတစ်ခု ဖြစ်ခဲ့သည်။ စာတန်က ယောဘ၏ ဘုရားသခင်ကို ယုံကြည်ခြင်းအား ဖျက်ဆီးဖို့ရန် မျှော်လင့်လျက် ယောဘကို စုံစမ်းနှောင့်ယှက်ရန်နှင့် တိုက်ခိုက်ရန် ဤအရာများကို အသုံးပြုခဲ့သည်။ ဘုရားသခင်ကလည်း ယောဘ၏ယုံကြည်ခြင်းကို စုံစမ်းစစ်ဆေးရန်နှင့် ဘုရားသခင်ကို ကြောက်ရွံ့ရိုသေခြင်းနှင့် မကောင်းသောအကျင့်ကို ရှောင်ကြဉ်ခြင်းလမ်းကြောင်းကို သူထိန်းသိမ်းနိုင်သည်၊ မထိန်းသိမ်းနိုင်သည်ကို မြင်တွေ့ဖို့ရန် စာတန်၏ စုံစမ်းနှောင့်ယှက်ခြင်းများကို အသုံးပြုလိုခဲ့သည်။ ထိုအခိုက်အတန့်တွင် စာတန်က ကျွန်မကို ဤအရာများအပေါ် ဘုရားသခင်ကို အပြစ်တင်ရန်နှင့် နားလည်မှုလွဲစေရန်၊ သို့မဟုတ် ဘုရားသခင်ကို ကျွန်မ ငြင်းပယ်ဖို့အတွက်ပင် ကျွန်မကို နှောင့်ယှက်ဖို့ရန်နှင့် စုံစမ်းဖို့ရန် ကျွန်မ၏ အလုပ်ဆုံးရှုံးခြင်းနှင့် ကျွန်မအမျိုးသား၏ အနေအထားကို စာတန်က အသုံးချနေခဲ့လင့်ကစား၊ ဘုရားသခင်ကလည်း ကျွန်မကို စုံစမ်းစစ်ဆေးရန်နှင့် စမ်းသပ်မှုတစ်ခုအလယ်တွင် ကျွန်မ မည်သို့ရွေးချယ်လိမ့်မည်ကို မြင်တွေ့ဖို့ရန် ဤအရာများအား အသုံးပြုနေခြင်းဖြစ်သည်ကို ကျွန်မ နားလည်ခဲ့ရသည်။ သူ၏ စမ်းသပ်မှုများအပေါ် ယောဘ၏သဘောထားကိုလည်း ကျွန်မ တွေးမိခဲ့သည်။ သူ၏အခြေအနေများက မည်သို့ဖြစ်ပါလေ့စေ၊ ဘုရားသခင်ကို သူ ဘယ်တော့မှ မငြင်းပယ်ခဲ့ပါ။ မည်သို့ပင်ဖြစ်စေ၊ သူသည် ဘုရားသခင်၏ နာမတော်ကို ဘုန်းထင်ရှားစေခဲ့သည်၊ နောက်ဆုံးတွင် ဘုရားသခင်အတွက် အခိုင်အမာ သူရပ်တည်ကာ သက်သေခံခဲ့ပြီး ဘုရားသခင်၏ သဘောကျလက်ခံမှုကို သူရရှိခဲ့သည်။ ဤအရာကို ကျွန်မတွေးသည့်အခါတွင် ကျွန်မသည် များစွာ ပိုမိုတည်ငြိမ်လာခဲ့ပြီး လက်တွေ့လုပ်ဆောင်မှုလမ်းကြောင်းတစ်ခုကို ကျွန်မရရှိခဲ့သည်။ ထို့ကြောင့် ဘုရားသခင်ထံ “အနန္တတန်ခိုးရှင် ဘုရားသခင်၊ ကိုယ်တော်ရဲ့ ဉာဏ်အလင်းပေးခြင်းနဲ့ လမ်းပြမှုအတွက် ကျေးဇူးတင်ပါတယ်။ အခု ကိုယ်တော်ရဲ့အလိုတော်ကို ကျွန်မနားလည်ပါပြီ၊ ဒါ့အပြင် ကျွန်မအမျိုးသားရဲ့ ခွဲစိတ်မှုကို ကိုယ်တော့်ထံ လုံးလုံးလျားလျား ကျွန်မအပ်နှံပါတယ်။ အောင်မြင်သည်ဖြစ်စေ၊ မအောင်မြင်သည်ဖြစ်စေ ကိုယ်တော်ရဲ့ စီစဉ်ညွှန်ကြားမှုတွေနဲ့ စီမံမှုတွေကို ကျွန်မနာခံပါ့မယ်” ဟု ကျွန်မ ဆုတောင်းခဲ့ပါသည်။ ကျွန်မအမျိုးသား၏ခွဲစိတ်မှု အောင်မြင်သည်ကို တွေ့ရသည်မှာ ကျွန်မ အလွန်အံ့အားသင့်ခဲ့ရပါသည်။ ဆရာဝန်က တစ်လအနားယူပြီးနောက်တွင် သူ၏အမြင်အာရုံ ပြန်ကောင်းလိမ့်မည်ဟု ပြောခဲ့သည်။ ထိုသတင်းကို ကျွန်မ ကြားသည့်အချိန်တွင် ကျေးဇူးတင်ခြင်းနှင့် ချီးမွမ်းခြင်းတို့ကို ဘုရားသခင်ထံ တိတ်တဆိတ် ပူဇော်ခဲ့ပါသည်။