Myanmar Christian Movie 2020 (မှန်ကန်သော ကိုးကွယ်ခြင်း၏ နက်နဲသောအရာ - နောက်ဆက်တွဲဇာတ်လမ်း)

 

လင်ပိုအန်းဟာ သခင့်ကို ဆယ်စုနှစ်များစွာ ယုံကြည်လာခဲ့တဲ့ တရားဟောဆရာကြီး တစ်ယောက်ဖြစ်ပါတယ်။ သူဟာ နောက်ဆုံးသောကာလရဲ့ခရစ်တော်ဖြစ်တဲ့ အနန္တတန်ခိုးရှင်ဘုရားသခင်ကို လက်ခံပြီးကတည်းက၊ အန္တိခရစ်တွေဖြစ်ကြတဲ့ သင်းအုပ်တွေ၊ အကြီးအကဲတွေက သူ့ကို ဘာသာရေးအသိုင်းအဝိုင်းကနေ ဖယ်ကြဉ်၊ နှင်ထုတ်ခဲ့ကြတယ်။ လင်ပိုအန်းဟာ တိုက်ခိုက်တာတွေ၊ ပြစ်ဒဏ်ချခံရတာတွေ၊ အမှုဆင်ခံရတာတွေ ကြုံပေမယ့်၊ ကြောက်ရွံ့ပြီး နောက်မဆုတ်ခဲ့ပါဘူး။ သူ့ယုံကြည်စိတ်က ပိုပြီးခိုင်မာလာတဲ့အပြင်၊ ဘာသာရေးလောကရဲ့သင်းအုပ်တွေ၊ အကြီးအကဲတွေဟာ သူတော်ကောင်းယောင် ဆောင်နေကြတယ်ဆိုတာကို နောက်ဆုံးမှာ နားလည်လာခဲ့တယ်။ တစ်ချိန်တည်းမှာပဲ ခရစ်တော်ကသာ သမ္မာတရား၊ လမ်းခရီးနဲ့ အသက်ဖြစ်တယ်၊ ခရစ်တော်ကသာ လူတွေကို ကယ်တင်နိုင်၊ သန့်စင်နိုင်၊ စုံလင်စေနိုင်တယ်ဆိုတာတွေကို သိလာခဲ့တယ်။ ဒါတွေကြောင့် သူ့အနေနဲ့ ဘုရားသခင်အတွက် စစ်မှန်တဲ့သက်သေခံသူတစ်ယောက် ဖြစ်လာနိုင်ဖို့အတွက်၊ ခရစ်တော်နောက်လိုက်ဖို့၊ သက်သေခံဖို့၊ သမ္မာတရားကိုရှာရာမှာ အစွမ်းကုန်ကြိုးစားဖို့နဲ့ သူ့စိတ်သဘောထားကို ပြောင်းလဲအောင် ကြိုးစားဖို့အတွက်ပဲ စိတ်ပိုင်းဖြတ်လိုက်တယ်။ တရုတ်ကွန်မြူနစ်ပါတီအစိုးရက လင်ပိုအန်းဟာ ထောင်က လွတ်လာပြီး မပြောင်းလဲသေးတာတွေ၊ သူ့ယုံကြည်မှုကို နည်းနည်းမှ မစွန့်လွှတ်ထားတဲ့အပြင်၊ အရှေ့အရပ်မှလျှပ်ပြက်ခြင်းကိုတောင် ယုံကြည်လာတာတွေ၊ နေရာအနှံ့သွားပြီး သခင်ယေရှု ပြန်လာပြီဖြစ်ကြောင်း၊ သူဟာ အနန္တတန်ခိုးရှင်ဘုရားသခင်ဖြစ်ကြောင်း သက်သေခံတာတွေကို တွေ့ရှိလာကြတယ်။ ဒါကြောင့် စီစီပီအစိုးရက သူ့ကို အလိုရှိသူအဖြစ် သတ်မှတ်ပြီး၊ နေရာအနှံ့ လိုက်ဖမ်းခဲ့ကြတယ်။ လင်ပိုအန်းဟာ သူ့မိသားစုကိုလည်း စွန့်ခွာခဲ့ရပါတယ်။ သူက ရောက်တဲ့နေရာတိုင်းမှာ အနန္တတန်ခိုးရှင်ဘုရားသခင်ရဲ့နောက်ဆုံးသောကာလ အမှုတော်ကို သက်သေခံခဲ့တာကြောင့်၊ စစ်မှန်ပြီး စိတ်နှလုံးကောင်းရှိတဲ့ ယုံကြည်သူတော်တော်များများကို ဘုရားသခင်ဆီ လမ်းပြနိုင်ခဲ့ပါတယ်။ ယခု ဗီဒီယိုဟာ လင်ပိုအန်းတစ်ယောက် ဧဝံဂေလိတရား ဖြန့်ဝေတာတွေ၊ ဘုရားသခင်အတွက် သက်သေခံတာတွေအကြောင်း ဖြစ်ရပ်မှန်ဇာတ်လမ်း ဖြစ်ပါတယ်။

Myanmar Gospel Song With Lyrics - စစ်မှန်သောယုံကြည်သူများ၏တာဝန်ဝတ္တရားများ (2020)

ခရစ်ယာန်သီချင်း - စစ်မှန်သောယုံကြည်သူများ၏တာဝန်ဝတ္တရားများ

၁

တကယ်လို့သင်၌အသိတရားတကယ်ရှိရင်

သင့်မှာတာဝန်သိစိတ်တစ်ခုရှိရမယ်

တကယ်လို့သင်သိမ်းပိုက်ခြင်းခံရလည်း

စုံလင်အောင်ပြုလုပ်ခြင်းခံရလည်း

ဤအဆင့်အားသေချာစွာသက်သေခံပါ

ဘုရားရဲ့ဖန်ဆင်းခံသတ္တဝါအနေနှင့်

လူသားဟာသူ့သိမ်းပိုက်ခြင်းခံရကာ

သူတို့ကိုယ်သူတို့ဘုရားအားပေးအပ်ခြင်းဖြင့်

အဆုံးမှာဘုရားကိုကျေနပ်စေဖို့၊

ဘုရားကိုချစ်တဲ့နှလုံးသားနှင့်သူ့အချစ်ကိုပြန်ဆပ်ဖို့ပါ။

ဒါလူသားရဲ့ ဝတ္တရား

လူသားရဲ့ တာဝန်ပါ

ဤ စေခိုင်းချက်များပြီးမြောက်အောင်

သူတို့လုပ်ဆောင်ရမှာ

ဒါသူတို့ကိုယုံကြည်သူအစစ်ဖြစ်စေတာ၊

ဘုရားကိုယုံကြည်သူအစစ်ဖြစ်စေတာ

၂

ဒီအမှုအားလုံးကိုကြုံတွေ့ရာတွင်

လူသားသည် သူသိမ်းပိုက်ခြင်းခံရပြီး

တကယ်လို့လူသားမှာအသိဉာဏ်ရှိရင်

သူတို့မှာဘယ်လိုရှေ့ရေးရှိပါစေ

မည်သို့သော ကံကြမ္မာအရေး ဖြစ်ပါစေ

သူတို့နာခံနိုင်စွမ်း ရှိမှာပါ

ဤနည်းဖြင့်ဘုရားရဲ့ကြီးမြတ်သောအမှုတော်သည်

အပြည့်အဝအကောင်အထည်ပေါ်လာမှာ ပါ

ဘုရားရဲ့ဖန်ဆင်းခံသတ္တဝါအနေနှင့်

လူသားဟာသူ့သိမ်းပိုက်ခြင်းခံရကာ

သူတို့ကိုယ်သူတို့ဘုရားအားပေးအပ်ခြင်းဖြင့်

အဆုံးမှာဘုရားကိုကျေနပ်စေဖို့၊

ဘုရားကိုချစ်တဲ့နှလုံးသားနှင့်သူ့အချစ်ကိုပြန်ဆပ်ဖို့ပါ။

ဒါလူသားရဲ့ ဝတ္တရား

လူသားရဲ့ တာဝန်ပါ

ဤ စေခိုင်းချက်များပြီးမြောက်အောင်

သူတို့လုပ်ဆောင်ရမှာ

ဒါသူတို့ကိုယုံကြည်သူအစစ်ဖြစ်စေတာ၊

ဘုရားကိုယုံကြည်သူအစစ်ဖြစ်စေတာ

သိုးသငယ်နောက်လိုက်ပြီး သီချင်းအသစ်များကိုသီဆိုပါ မှ

အကြံပြုခရစ်ယာန်ရုပ်ရှင်

Myanmar new Movie ｜သီလသမာဓိအပေါ် ဘယ်တော့မှ နေမဝင်ရာ - အလုပ်ခွင်၌ ခရစ်ယာန် သက်သေခံချက်

(ဘုရားသခင်သည် လူသားအားလုံး၏ ကံကြမ္မာကို ထိန်းချုပ်ထား၏) ကောက်နုတ်ချက်

အနန္တတန်ခိုးရှင် ဘုရားသခင် ပြောသည်မှာ “ဘုရားသခင်သည် ဤကမ္ဘာကြီးကို ဖန်ဆင်းခဲ့သည်၊ ဤလူသားတို့ကို သူဖန်ဆင်းခဲ့သည်၊ ထို့အပြင် ကိုယ်တော်သည် ရှေးဂရိယဉ်ကျေးမှုနှင့် လူသားယဉ်ကျေးမှုတို့၏ ဗိသုကာလည်း ဖြစ်ခဲ့သည်။ ဘုရားသခင်သည်သာ ဤလူသားများကို နှစ်သိမ့်မှုပေးပြီး ဘုရားသခင်သည်သာ ဤလူသားများကို နေ့ရောညပါ စောင့်ရှောက်သည်။ လူသားများ၏ ဖွံ့ဖြိုးမှုနှင့် တိုးတက်လာမှုတို့ကို ဘုရားသခင်၏ အချုပ်အခြာအာဏာမှ ခွဲထုတ်၍မရနိုင်သည့်အပြင် လူသားများ၏ သမိုင်းနှင့် နောင်အနာဂတ်သည်လည်း ဘုရားသခင်၏ အကြံအစည်များမှ ခွဲခြား၍မရနိုင်ပါ။ အကယ်၍ သင်သည် ခရစ်ယာန်စစ်စစ်တစ်ဦးဖြစ်ပါက မည်သည့်တိုင်းနိုင်ငံ သို့မဟုတ် မည်သည့်လူမျိုးမဆို၏ တိုးတက်ခြင်းနှင့် ကျဆုံးခြင်းတို့မှာ ဘုရားသခင်၏ စီစဉ်ခြင်းများနှင့်အညီ ဖြစ်ပေါ်ကြောင်းကို သင့်အနေဖြင့် အသေအချာ ယုံကြည်လိမ့်မည်။ ဘုရားသခင်တစ်ပါးတည်းသာလျှင် တိုင်းနိုင်ငံ သို့မဟုတ် လူမျိုးတို့၏ ကံကြမ္မာကိုသိပြီး ဘုရားသခင်သည်သာ ဤလူသားတို့၏ ဦးတည်ရာလမ်းကြောင်းကို ထိန်းချုပ်ထားသည်။ အကယ်၍ လူသားတို့က ကံကြမ္မာကောင်းကို ပိုင်ဆိုင်လိုလျှင်၊ တိုင်းနိုင်ငံတစ်ခုက ကံကြမ္မာကောင်းကို ပိုင်ဆိုင်လိုလျှင်၊ လူသားသည် ဘုရားသခင်ရှေ့တွင် ပျပ်ဝပ်ကိုးကွယ်လျက် နောင်တရ၍ အပြစ်များကို ဝန်ချတောင်းပန်ရမည်၊ သို့မဟုတ်ပါက လူသားများ၏ ကံကြမ္မာနှင့် ခရီးပန်းတိုင်မှာ ကပ်ဘေးထဲ၌ မလွှဲမရှောင်သာ လမ်းဆုံးလိမ့်မည် ဖြစ်ပေသည်။”

အကြံပြု
ခရစ်တော်သည် သမ္မာတရား ၊ လမ်းခရီးနှင့် အသက်ဖြစ်သည်ကို မည်သို့နားလည်ရမည်နည်း။

အခန်း တစ် အနန္တတန်ခိုးရှင် ဘုရားသခင်သည် ကောင်းကင်၊ မြေကြီးနှင့် ထိုအထဲမှ အရာခပ်သိမ်းကို ဖန်ဆင်းခဲ့သည့် တစ်ပါးတည်းသော ဘုရားသခင် ဖြစ်သည်ကို သင်သိရမည်

အခန်း တစ် အနန္တတန်ခိုးရှင် ဘုရားသခင်သည် ကောင်းကင်၊ မြေကြီးနှင့် ထိုအထဲမှ အရာခပ်သိမ်းကို ဖန်ဆင်းခဲ့သည့် တစ်ပါးတည်းသော ဘုရားသခင် ဖြစ်သည်ကို သင်သိရမည်

၁။ အနန္တတန်ခိုးရှင်ဘုရားသခင်သည် အရာခပ်သိမ်းအပေါ် အုပ်စိုးသော စစ်မှန်သောဘုရားသခင်တစ်ဆူဖြစ်သည်

ဆက်စပ်သော ဘုရားသခင်၏ နှုတ်ကပတ်တော်များ-

ဤလောက၏အရာခပ်သိမ်းသည် အနန္တတန်ခိုးရှင်၏အတွေးများနှင့် သူ၏မျက်လုံးများအောက်၌ လျင်မြန်စွာပြောင်းလဲလေ၏။ လူသားမျိုးနွယ် တစ်ခါမျှမကြားခဲ့ဖူးသောအရာများ ရုတ်တရက်ရောက်လာသော်လည်း လူသားမျိုးနွယ် ကာလတာရှည်စွာပိုင်ဆိုင်ခဲ့သောအရာများမှာ အမှုမဲ့အမှတ်မဲ့ တစ်စတစ်စဆုံးရှုံးလျက်နေ၏။ အနန္တတန်ခိုးရှင် မည်သည့်နေရာ၌ရှိကြောင်းကို မည်သူမျှနားလည်သဘောပေါက်ခြင်း မရှိနိုင်ဘဲ အနန္တတန်ခိုးရှင်နှင့်ဆိုင်သည့် အသက်စွမ်းအား၏ အစွမ်းတန်ခိုး ကြီးမြတ်ခြင်းနှင့် သာလွန်ခြင်းကို မည်သူမျှ သာ၍ပင် မသိနိုင်ပေ။ လူသားတို့ သဘောမပေါက်သောအရာကို သဘောပေါက်နိုင်သည့်အတွက် သူသည်သာလွန်၏။ လူသားမျိုးနွယ်၏ ပစ်ပယ်ခြင်းကို ခံရသောသူဖြစ်သော်လည်း လူသားမျိုးနွယ်ကို ကယ်တင်သည့်အတွက် သူသည်ကြီးမြတ်၏။ သူသည် အသက်ရှင်ခြင်းနှင့် သေခြင်း၏အဓိပ္ပာယ်ကို သိပြီး၊ ထိုမျှမက သူဖန်ဆင်းခဲ့သောလူသားမျိုးနွယ်၏ဘဝကို အုပ်ထိန်းရန်အတွက် မည်သည့်စည်းမျဉ်းများမှာ သင့်လျော်ကြောင်းကို သူသိ၏။ သူသည် လူသားဖြစ်တည်ခြင်း၏ အုတ်မြစ်ဖြစ်ပြီး လူသားမျိုးနွယ်ကို ရှင်ပြန်ထမြောက်စေသော ရွေးနုတ်ကယ်တင်ရှင်ဖြစ်၏။ သူသည် ရွှင်လန်းသောစိတ်နှလုံးများကို ဝမ်းနည်းခြင်းဖြင့် ဝန်ပိစေ၍ ဝမ်းနည်းခြင်းနှင့်ပြည့်သောစိတ်နှလုံးများကို ရွှင်လန်းခြင်းဖြင်း ချီမလေ၏၊ ယင်းတို့အားလုံးမှာ သူ၏အလုပ်နှင့် သူ၏အစီအစဉ်အဖို့အလို့ငှာ ဖြစ်၏။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “အနန္တတန်ခိုးရှင် သက်ပြင်းချတော်မူခြင်း” မှ

တရုတ်ပြည်မှ ဘာသာရေးဖိစီးနှိပ်စက်မှု မှတ်တမ်းများ (မကောင်းမှုကို ဖုံးကွယ်ခြင်း)

Myanmar New Movie 2019 တရုတ်ပြည်မှ ဘာသာရေးဖိစီးနှိပ်စက်မှု မှတ်တမ်းများ (မကောင်းမှုကို ဖုံးကွယ်ခြင်း)

တရုတ်ပြည်မကြီးတွင် ၁၉၄၉ ခုနှစ်ကတည်းက အာဏာရရှိလာခဲ့သည့် တရုတ်ကွန်မြူနစ်ပါတီသည် ဘာသာရေးယုံကြည်မှုကို ဖိစီးနှိပ်စက်ခြင်းက သနားညှာတာမှု ကင်းမဲ့နေခဲ့သည်။ ၄င်းသည် ခရစ်ယာန်များကို ရမ်းကားကြမ်းတမ်းစွာ ဖမ်းဆီးနေခဲ့ပြီး သတ်ဖြတ်နေခဲ့သည်၊ တရုတ်ပြည်တွင် အလုပ်လုပ်နေသည့် သာသနာပြုများကို နှင်ထုတ်ခဲ့ပြီး နှိပ်စက်ညှဉ်းပန်းခဲ့သည်၊ မရေတွက်နိုင်သည့် သမ္မာကျမ်းစာအုပ် မိတ္တူများကို နိုင်ငံတော် ဘဏ္ဍာအဖြစ်သိမ်းယူခဲ့ပြီး ဖျက်စီးခဲ့သည်၊ အသင်းတော် အဆောက်အဦးများကို ချိတ်ပိတ်ခဲ့ပြီး ဖြိုချဖျက်စီးခဲ့သည့်အပြင်၊ အချည်းနှီးဖြစ်သည့် အိမ်အသင်းတော်များအားလုံးကို သုတ်သင်ရှင်းလင်းရန် ကြံစည်အားထုတ်ခဲ့သည်။ တရုတ်ကွန်မြူနစ်ပါတီ ရဲတပ်ဖွဲ့က ရှေ့နောက်မညီ၊ မရေမရာထုတ်ပြန်ခဲ့တဲ့ သေဆုံးမှုပဲဖြစ်တဲ့ ဆောင်းရှောင်လန်လို့ အမည်ရတဲ့ တရုတ်ခရစ်ယာန်တစ်ယောက်ရဲ့ မမျှော်လင့်ဘဲ ရုတ်တရက်သေဆုံးမှုကို ဒီမှတ်တမ်းရုပ်ရှင်က သရုပ်ဖော်ထားပါတယ်။ စုံစမ်းစစ်ဆေးမှုအပြီးမှာ၊ ရဲတပ်ဖွဲ့ဟာ တစ်လျှောက်လုံးလိမ်ညာနေခဲ့တာကို ဆောင်းမိသားစုက သိရှိခဲ့ရတယ်။ ဆောင်းရှောင်လန်က ဘုရားသခင်ကို ယုံကြည်ပြီး သူ့တာဝန်ကို လုပ်ဆောင်နေတဲ့အတွက် တရုတ်ကွန်မြူနစ်ပါတီ ရဲတပ်ဖွဲ့ရဲ့ လျှို့ဝှက်စောင့်ကြည့်ခြင်းကို ခံခဲ့ရတယ်ဆိုတာကို ဆောင်းမိသားစုရဲ့ဆွေမျိုးတစ်ယောက်က ပြည်သူ့လုံခြုံရေးအဖွဲ့အစည်းမှာရှိတဲ့ အသိတစ်ယောက်ဆီကနေ သိခဲ့ရတယ်။ ရဲတပ်ဖွဲ့က သူ့ကို ဖမ်းဆီးတဲ့အခါ အသေရိုက်သတ်ပစ်လိုက်ကြတယ်။ ရဲတပ်ဖွဲ့ဟာ အပြစ်မခံရဖို့အတွက် ဆောင်းရှောင်လန်သေဆုံးခဲ့တဲ့ အခင်းဖြစ်ပွားရာနေရာကို အတုလုပ်ပြီး အမှန်တရားကို ဖုံးကွယ်ခဲ့ကြတယ်။...

မိတ်ဆက်ပေးချင်တဲ့ဟာတွေပါ

အရှေ့အရပ်မှ လျှပ်ပြက်ခြင်း၏ ဇာစ်မြစ်မှာ အဘယ်နည်း 

ဘုရားသခင်၏ ကျေးဇူးတော်ကို သက်သေခံချက်များ

ခြေချင်းများကိုချိုးဖျက်၍ ပြေးပါ - ခြေချင်းများကိုစွန့်ပစ်ပြီး သမ္မာတရားလမ်းကို လေ့လာပါ (အပိုင်း ၁/၄)

အကြီးအကဲလီကတော့ ဘာသာရေးသင်းအုပ်ဆရာတွေရဲ့စကားတွေကို မျက်စိမှိတ်ယုံနေခဲ့ပြီး ဘုရားသခင်ရဲ့နှုတ်ကပတ်တော်နဲ့ အမှုတော်တွေဟာ သမ္မာကျမ်းစာထဲမှာ အားလုံးမှတ်တမ်းတင်ထားတယ်၊ သမ္မာကျမ်းစာအပြင်ကအရာတွေဟာ ဘုရားသခင်ရဲ့အမှုတော်နဲ့ နှုတ်ကပတ်တော်မဖြစ်နိုင်ဘူးလို့ တွေးထင်ခဲ့တယ်။ လီဟာ သမ္မာကျမ်းစာကိုဖက်တွယ်နေဖို့ပဲလိုတယ်၊ သခင်ပြန်ကြွလာတဲ့အခါ၊ ကောင်းကင်နိုင်ငံတော်ကို ချီဆောင်ခြင်းခံရမယ်လို့ သူတွေးထင်ခဲ့တယ်။ အဲဒါကြောင့်၊ နောက်ဆုံးသောကာလထဲက အနန္တတန်ခိုးရှင် ဘုရားသခင်ရဲ့အမှုတော်တွေကို လီထည့်မစဉ်းစားခဲ့ဘူး။ ဆွေးနွေးပွဲတစ်ခုမှာ၊ အကြီးအကဲလီဟာ သူ့လုပ်ဖော်ဆောင်ဘက် အကြီးအကဲအင်(မ်)က အရှေ့အရပ်မှ လျှပ်ပြက်ခြင်းအကြောင်းကို လေ့လာနေတာ တစ်နှစ်ကျော်လောက်ရှိပြီလို့ သိလိုက်ရတယ်။ အကြီးအကဲအင်(မ်)နဲ့ မိတ်သဟာရဖွဲ့ပြီးရင်းနဲ့ အကြီးအကဲလီဟာ ဘာသာရေးသင်းအုပ်ဆရာတွေရဲ့ ခြေချင်းခတ်ခြင်း၊ ထောင်ချောက်ဆင်ခြင်းတွေခံနေခဲ့ရတယ်ဆိုတဲ့ သနားစရာကောင်းတဲ့အမှန်တရားကို နားလည်လိုက်ရတယ်။ နောက်ဆုံးမှာတော့ အကြီးအကဲလီဟာ ခြေချင်းတွေကိုချိုးဖျက်နိုင်ခဲ့ပြီး သူ့ရဲ့ကျန်တဲ့လုပ်ဖော်ဆောင်ဘက်တွေကို အရှေ့အရပ်မှ လျှပ်ပြက်ခြင်းအကြောင်းကို အတူတကွရှာဖွေဖို့၊ လေ့လာဖို့ ဦးဆောင်နိုင်ခဲ့ပါတယ်။

(၂) ကျေးဇူးတော်ခေတ် အမှုတော်ကို ထုတ်ဖော်ပြခြင်းနှင့် ပတ်သက်သည့် နှုတ်ကပတ်တော်များ

၂၂။ ယေရှုသည် ကျေးဇူးတော်ခေတ်၏ အမှုအားလုံးကို ကိုယ်စားပြုလေသည်၊ သူသည် လူ့ဇာတိကို ခံယူကာ၊ ကားတိုင်တွင် သံမှိုစွဲရိုက်ခံခဲ့ရပြီး၊ ကျေးဇူးတော်ခေတ်ကိုလည်း စတင်ခဲ့၏။ သူသည် ရွေးနုတ်ခြင်းအမှုကို ပြီးမြောက်စေရန်၊ ပညတ်တော်ခေတ်ကို အဆုံးသတ်၍ ကျေးဇူးတော်ခေတ်ကို စတင်ရန်အလို့ငှာ ကားတိုင်တွင် စီရင်ခံခဲ့ရ၏၊ ထို့ကြောင့် သူ့အား “အမြင့်ဆုံးသော စီရင်အုပ်စိုးသူ”၊ “အပြစ်ဖြေရာယဇ်” နှင့် “ရွေးနုတ်သူ” ဟူ၍ ခေါ်ဆိုကြလေသည်။ အကျိုးဆက်အနေဖြင့် ယေရှု၏အမှုနှင့် ယေဟောဝါ၏အမှုသည် အခြေခံသဘောအားဖြင့် တူညီသော်ငြားလည်း၊ ယင်းတို့သည် အကြောင်းအရာပိုင်း၌ ကွဲပြားခဲ့ကြသည်။ ယေဟောဝါသည် ကမ္ဘာမြေပေါ်မှ ဘုရားသခင်၏အမှုအတွက် မူလစမှတ်ဖြစ်သော အခြေစိုက်ရာကို စတင်တည်ထောင်ခြင်းနှင့် ပညတ်တော်တို့ကို ထုတ်ပြန်ခြင်းဖြင့် ပညတ်တော်ခေတ်ကို စတင်ခဲ့၏။ ဤသည်တို့မှာ သူဆောင်ရွက်ခဲ့သော အမှုအစိတ်အပိုင်းနှစ်ခုဖြစ်ပြီး၊ ၎င်းတို့သည် ပညတ်တော်ခေတ်ကို ကိုယ်စားပြုလေသည်။ ကျေးဇူးတော်ခေတ်တွင် ယေရှုပြုခဲ့သောအမှုမှာမူ ပညတ်တော်တို့ကို ထုတ်ပြန်ရန် မဟုတ်ဘဲ ယင်းတို့ကို ဖြည့်စွမ်းရန်ဖြစ်ကာ၊ ထိုသို့အားဖြင့် ကျေးဇူးတော်ခေတ်ကို အစပြုပေးလျက်၊ အနှစ်နှစ်ထောင် ကြာရှည်ခဲ့သော ပညတ်တော်ခေတ်ကို အဆုံးသတ်ပေးခဲ့ခြင်းဖြစ်သည်။ သူသည် ကျေးဇူးတော်ခေတ်ကို စတင်ရန်အလို့ငှာ ရောက်လာခဲ့သည့် ရှေ့ဆောင်သူဖြစ်သော်ငြားလည်း၊ သူ့အမှု၏ အဓိကအပိုင်းမှာ ရွေးနုတ်ခြင်းတွင် တည်နေခဲ့သည်။ ထို့ကြောင့် သူ၏အမှု၌လည်း အဓိကအပိုင်းနှစ်ခု ရှိခဲ့၏၊ ယင်းတို့မှာ ခေတ်သစ်တစ်ခုကို ဖွင့်လှစ်ခြင်းနှင့် သူ၏ကားစင်တင်ခံခြင်းအားဖြင့် ရွေးနုတ်ခြင်းအမှုကို အဆုံးသတ်ခြင်းတို့ဖြစ်ကာ၊ ယင်းနောက်တွင် သူထွက်ခွာသွားခဲ့သည်။ ယင်းအချိန်၌ ပညတ်တော်ခေတ်သည် အဆုံးသတ်ခဲ့၍၊ လူသားမျိုးနွယ်သည် ကျေးဇူးတော်ခေတ်သို့ ဝင်ရောက်ခဲ့လေသည်။

နှုတ်ကပတ်တော်သည် လူ့ဇာတိ၌ ပေါ်လာ၏ စာအုပ်ထဲရှိ “ရွေးနုတ်ခြင်းခေတ်၏အမှု နောက်ကွယ်မှ အဖြစ်မှန်” မှ